Gujarati News

સરાઃ મૂળી તાલુકાના પ૦૦૦ ની વસ્તી ધરાવતુ ઉમરડા ગામે છેલ્લા બે દિવસથી ભારે વરસાદ તેમજ ઉપરવાસના વરસાદી પાણીની આવક વધતા ગામ ફરતે આવેલ બિલગંગા નદી ભોગાવો ડેમ સબૂરીડેમ મા વરસાદી પાણીની આવક વધતા નદીઓ બે કાંઠે વહેવા લાગતા ઉમરડા ગામે આવેલ બેઠાપુલ પર વરસાદી પાણીનો ધોધ વધતા ઉમરડા ગામ બેટમાં ફેરવાયું હતુ.

ઉમરડા ગ્રામજનોને બહારગામ જવાના રસ્તા બંધ થઇ ગયા હતા. લોકોને હાલકીનો સામનો કરવો પડેલ છે. ચોમાસા દરમ્યાન બેઠા કોઝવે પર પાણીની આવક વધતા બિમાર દર્દીઓ અને સગર્ભા મહિલાઓને સારવાર માટે શહેર તરફ લઇ જવામાં ખૂબ જ હાલાકી ભોગવવી પડે છે.