Gujarati News

Gujarati News

News of Saturday, 11th August 2018

મગફળી કૌભાંડઃ ૨૯ આરોપીઓને કેટલો આર્થિક ફાયદો થયો તે હજુ પોલીસ ઓકાવી શકી નથી !!

આર્થિક લાભ અંગે પોલીસ કહે છે કે હજુ તપાસ ચાલુ જ છે...: જે ગોડાઉનોમાં ભેળસેળ થતી'તી ત્યાં પોલીસે પંચનામુ કર્યુ

રાજકોટ, તા. ૧૦ :. સૌરાષ્ટ્ર અને ગુજરાતમાં ચર્ચાસ્પદ બનેલ જેતપુરના પેઢલાના ૪.૬૦ કરોડના મગફળી કૌભાંડમાં પકડાયેલ આરોપીઓને કેટલો આર્થિક લાભ થયો ? તે હજુ પોલીસ ઓકાવી શકી નથી. પોલીસ કૌભાંડની નીચેની ચેનલની તપાસમાં જ વ્યસ્ત છે. જો કે પોલીસ કહે છે કે, આર્થિક લાભ અંગે તપાસ ચાલુ છે.

પેઢલાના મગફળી કૌભાંડમાં રૂરલ પોલીસે મુખ્ય સૂત્રધાર મગન ઝાલાવડીયા સહિત ૨૯ આરોપીઓની ધરપકડ કરી છે. જે પૈકી ૫ આરોપીઓ જેલ હવાલે થયા છે અને બાકીના આરોપીઓ હાલ પોલીસ રીમાન્ડ હેઠળ છે. મગફળી કૌભાંડમાં જે ગોડાઉનોમાં મગફળીમાં ભેળસેળ કરાતી હતી તેમા એક બોરીમાં ૧૦ થી ૨૦ ટકા સારી મગફળી કાઢી નબળી મગફળી સાથે પથ્થરો અને માટી ભેળવી દેવાતી હતી તે અગાઉ પોલીસ જાહેર કરી ચુકી છે. એક બોરીમાંથી ૧૦ થી ૨૦ ટકા સારી મગફળીનો જથ્થો કાઢી લેવાયો હોય તો ૧ કરોડથી સવા કરોડનું આ કૌભાંડ ગણી શકાય. જો કે પકડાયેલ આરોપીઓમાંથી કોને કેટલો આર્થિક ફાયદો થયો ? તે અંગે પોલીસે હજુ કોઈ સ્પષ્ટતા કરી નથી કે પોલીસ હજુ આ વિગત ઓકાવી શકી નથી. પોલીસે મગન ઝાલાવડીયાના આર્થિક વ્યવહારો જાહેર કર્યા છે પરંતુ તેને અન્ય આરોપીઓને આ કૌભાંડમાંથી કેટલો આર્થિક લાભ થયો તે હજુ જાહેર કર્યુ નથી.

આ અંગે રૂરલ એસ.પી. બલરામ મિણાનો સંપર્ક સાધતા તેઓએ જણાવ્યુ હતુ કે, આરોપીઓ હજુ રીમાન્ડ હેઠળ છે અને કયા આરોપીને કેટલો આર્થિક ફાયદો થયો ? તે અંગેની તપાસ ચાલુ છે. તપાસ પૂર્ણ થયા બાદ આ અંગેની વિગતો જાહેર કરાશે.

દરમિયાન જેતપુર, રબારીકા અને મોટી ધાણેજ મંડળીના ગોડાઉનોમાં પડેલ મગફળીના જથ્થામાં ભેળસેળ કરાતી હતી તે ગોડાઉનોમાં ગઈકાલે પોલીસે પંચનામુ કર્યુ હતું.(૨-૬)

 

(11:48 am IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • સરકારની પગારમાં બેધારી નીતીથી શિક્ષકો નારાજ:ગ્રાન્ટેડ શાળાના શિક્ષણ સહાયકો અને સરકારી શિક્ષણ સહાયકોને મળતા પગારમાં ભેદ:ગ્રાન્ટેડ શાળાના શિક્ષકોને સાતમા પગાર પંચનો તફાવત ત્રણ હપ્તામાં આપવા અંગે માંગ:ગુજરાત રાજ્ય ઉચ્ચતર માધ્યમિક શિક્ષક સંઘ મહા મંડળ ની ચીમકી access_time 1:17 am IST

  • મોરબી રોડ ચેકપોસ્ટ પાસે ડમ્પરે એકટીવાને ઠોકર મારતા દેરાણી-જેઠાણીના મોત: બી-ડીવીઝન પોલીસ મથકના હેડ કોન્સ્ટેબલ ખોડુભા સહિતનો સ્ટાફ ઘટનાસ્થળે દોડી ગયો access_time 4:35 pm IST