Gujarati News

Gujarati News

News of Saturday, 11th August 2018

હળવદ તાલુકા કક્ષાનો ૬૯મો વન મહોત્સવ યોજાયો

 હળવદઃ  હળવદ હાઈવે પર આવેલ મોડલ સ્કુલ ખાતે ફોરેસ્ટ વિભાગ દ્વારા ૬૯મા વન મહોત્સવનું આયોજન કરવામાં આવ્યું હતું. જેમાં નગરપાલીકાના પ્રમુખ હિનાબેન રાવલના અધ્યક્ષસ્થાને કાર્યક્રમ યોજાયો હતો. આ તકે ઉપસ્થિત મહેમાનોનું સ્વાગત શાળાની બાળાઓ દ્વારા ગીત રજૂ કરાયું હતું. હળવદની મોડલ સ્કુલ ખાતે રેન્જ ફોરેસ્ટ ઓફિસર યુ.વી. બાદીએ પ્રાસંગિક ઉદ્બોધનમાં જણાવ્યું હતું કે, જંગલ, જળ અને જમીનનું જતન ખુબ જ જરૂરી છે ત્યારે દરેક મોડલ સ્કુલના દરેક વિદ્યાર્થીએ એક એક વૃક્ષનું વાવેતર કરવું જાઈએ. ઉપરાંત વૃક્ષ ઉછેર પ્રત્યે લોક જાગૃતિ કેળવવા રાજય સરકારે પ્રત્યેક જિલ્લા સહિત તાલુકામાં વન મહોત્સવની ઉજવણીનું આયોજન કર્યું છે ત્યારે લોકો વધુને વધુ વૃક્ષો વાવે તેવું ઉપસ્થિતોને આગ્રહ કર્યો હતો. આ પ્રસંગે ઉપસ્થિત મહાનુભાવોનું સ્વાગત કરાયા બાદ દિપ પ્રાગટય કરી કાર્યક્રમને ખુલ્લુ મુકાયું હતું. મોડલ સ્કુલમાં નગરપાલીકાના અધ્યક્ષ હિનાબેન રાવલ સહિત રેન્જ ફોરેસ્ટ ઓફિસર સહિત નાયબ મામલતદાર, ટીડીઓ દ્વારા ર૦૦ જેટલા વૃક્ષોનું વૃક્ષારોપણ કરાયું હતું. આ વેળાએ રેન્જ ફોરેસ્ટ ઓફિસર યુ.વી.બાદી, નાયબ મામલતદાર ધીરૂભાઈ સોનગ્રા, તાલુકા વિકાસ અધિકારી બી.એસ. એરવાડીયા, પૂર્વ ફોરેસ્ટ ઓફિસર શ્રી જાડેજા, હળવદ ફોરેસ્ટ રેન્જના શ્રી દઢાણીયા સહિતના અધિકારીઓ આચાર્ય પ્રવિણભાઈ અંબારીયા તેમજ શાળાના શિક્ષકગણ અને વિદ્યાર્થીઓ આ કાર્યક્રમમાં હાજર રહ્યા હતા. તે પ્રસંગની તસ્વીર. (તસ્વીરઃ દિપક જાની)(૨૩.૩)

(10:38 am IST)
  • મોરબી રોડ ચેકપોસ્ટ પાસે ડમ્પરે એકટીવાને ઠોકર મારતા દેરાણી-જેઠાણીના મોત: બી-ડીવીઝન પોલીસ મથકના હેડ કોન્સ્ટેબલ ખોડુભા સહિતનો સ્ટાફ ઘટનાસ્થળે દોડી ગયો access_time 4:35 pm IST

  • લલીત વસોયા અને હાર્દિક પટેલ સહિત તમામ ધારાસભ્યો-અટકાયતીઓને મુકત કરી દેવાયાઃ લલીતભાઇ પાસેથી લેખિતમાં બાંહેધરી લેવાયાના હેવાલો access_time 3:35 pm IST

  • બ્રિટિશ ઍરલાયન્સ પર ભડક્યા ઋષિકપુર ; ફેન્સને કહ્યું આઍરલાયન્સમાં ક્યારેય યાત્રા ના કરો : તેને બ્રિટિશ ઍરલાયન્સને રંગભેદી પણ ગણાવ્યું: બર્લિનમાં બાળકોની ઘટના સાંભળીને આઘાત લાગ્યો : મારી સાથે એકવાર નહીં બે વાર અભદ્ર વ્યવહાર થયો access_time 1:04 am IST