Gujarati News

રાજકોટ તા. ૧૧ : રાજકોટ જિલ્લાના ૮ તાલુકાના ૩૧ જેટલા વિસ્તારોના ૫૦૦થી વધુ લોકો હાલ કન્ટેનમેન્ટ ઝોનમાં છે, આ ૮ તાલુકામાં જસદણ, ગોંડલ, જેતપુર, ધોરાજી, જામકંડોરણા, ઉપલેટા, પડધરી અને રાજકોટ તાલુકાનો સમાવેશ થાય છે.

કલેકટર કચેરીના સૂત્રોના ઉમેર્યા પ્રમાણે આ ૮ તાલુકાના કુલ ૧૬૧ ઘરોને કવર કરાયા છે, અને ૫૦૦થી વધુ લોકો તા. ૫ જુલાઇથી ૭ જુલાઇ દરમિયાન કન્ટેનમેન્ટ ઝોનમાં રખાયા છે.

હવે ઉપરોકત તાલુકાના જે ક્ષેત્રો કન્ટેનમેન્ટમાં મુકાયા છે, તે તમામને માઇક્રોમાં ફેરવવા અંગે કલેકટર તંત્રે રાજ્ય સરકારને દરખાસ્ત કરી આખુ લીસ્ટ મોકલ્યું છે, સરકારમાંથી મંજુરી મળ્યા બાદ કાર્યવાહી કરાશે તેમ સૂત્રોએ ઉમેર્યું હતું.