Gujarati News

Gujarati News

News of Friday, 11th June 2021

ગોંડલ નગરપાલિકા વેરા વધારાની સામે કોંગ્રેસ આગેવાનો આવેદન આપે તે પહેલા અટકાયત

ગોંડલ, : કોરોનાની વિકટ પરિસ્થિતિમાં લોકોની આર્થિક કમર તૂટી જવા પામી છે ત્યારે ગોંડલ નગરપાલિકા તંત્ર દ્વારા લોકોને દાઝયા પર ડામ દેવા વેરામાં તોતિંગ વધારો કરવામાં આવ્યો હોય ભૂગર્ભ ગટરનો વેરો પણ પ્રજાના માથે થોપી દેવામાં આવતા કોંગી આગેવાન યતિષભાઈ દેસાઈ, ગોપાલભાઈ તોડ્યા, આશિષભાઈ કુંડળીયા, વૃષભસિંહ પરમાર કુલદીપસિંહ જાડેજા જયસુખ ભાઈ વઘાસિયા, ભાવેશભાઈ ભાષા અને જયસુખભાઇ પારગી સહિતનાઓ દ્વારા પ્રજાજનોને સાથે રાખી કોલેજ ચોકથી પ્રાંત અધિકારીને આવેદનપત્ર આપવા જવાનું હોય આગેવાનો એકઠા થતા જ સીટી પોલીસે તેઓની ધરપકડ કરી હતી જ્યારે ધર્મેશ ભાઈ બુટાણી અને દીપક પટેલ દ્વારા પ્રાંત અધિકારીને વેરા વધારા અંગે આવેદનપત્ર આપવામાં આવ્યું હતું. (તસ્વીર : અહેવાલ : ભાવેશ ભોજાણી, ગોંડલ)

(1:17 pm IST)
  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST