Gujarati News

Gujarati News

News of Friday, 11th June 2021

ગિરનાર અંબાજી મંદિર ખુલવાની સાથે રોપ-વેનો પણ પ્રારંભ

શ્રીફળ વધેરી રોપ-વે શરૂ કરાયો - પહેલી ટ્રીપમાં ૧૦૦ લોકોએ રોપ-વેની મોજ માણી

(વિનુ જોષી) જૂનાગઢ તા. ૧૧ : આજે સવારે ગિરનાર અંબાજી મંદિરના દર્શન ખુલવાની સાથે રોપ-વેનો પણ પ્રારંભ થયો છે.

ગુજરાતમાં ૫૮ દિવસ પછી આજથી મંદિરો દર્શન માટે શરૂ થયા છે. ગાઇડલાઇન અનુસાર એસઓપીના કડક પાલન સાથે ગિરનાર અંબાજી મંદિર, ગોરખનાથ, દત્ત મંદિર, ભવનાથ મંદિર અને તળેટી ખાતેના અન્ય મંદિરો સવારથી ભાવિકો માટે ખુલ્લા મુકવામાં આવ્યા હતા.

ગિરનાર અંબાજી મંદિરના મહંતશ્રી તનસુખગીરી બાપુના જણાવ્યા મુજબ સવારે ૭ વાગ્યે આરતી સાથે મંદિરના દ્વાર ખુલ્લા મુકવામાં આવેલ. કોરોના ગાઇડલાઇનનું ચુસ્ત પાલન થશે.

દરમિયાન આજે સવારે ૮.૩૦ કલાકથી ગિરનાર રોપ-વે પણ પુનઃ શરૂ થયેલ છે.

મેનેજરશ્રી પટેલે ટેલીફોનિક વાતચીતમાં જણાવેલ કે, દોઢ માસ બાદ આજે સવારે ૮.૩૦ કલાકે શ્રીફળ વધેરીને રોપ-વે શરૂ કરવામાં આવેલ. પ્રથમ ટ્રીપમાં ૧૦૦ લોકો રોપ-વેની મોજ માણી ગિરનાર પહોંચ્યા હતા. ગાઇડલાઇનનું પાલન ચુસ્ત રીતે કરવામાં આવી રહ્યું હોવાનું તેમણે જણાવ્યું હતું.(તસ્વીર : મુકેશ વાઘેલા, જૂનાગઢ)

(1:01 pm IST)
  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST