Gujarati News

Gujarati News

News of Friday, 11th June 2021

સોમનાથ તીર્થધામમાં પ્રાચીન સૂર્ય મંદિરોનો ઉદય થશે

પીએમઓના આદેશથી ગુજરાત ટુરીઝમ વિભાગની ટીમે ૬ મંદિરોનું નિરીક્ષણ કર્યુઃ અન્ય ૬ મંદિરોના લોકેશન શોધાશે

રાજકોટ, તા. ૧૧ :. શ્રી સોમનાથ તીર્થધામમા આવેલા પ્રાચીન સૂર્ય મંદિરોનો ઉદય થશે. સોમનાથ પાલિકાના પ્રમુખે વડાપ્રધાન શ્રી નરેન્દ્રભાઈ મોદીને ટ્વીટ કરીને આ અંગે યોગ્ય કરવાની માંગણી કરતા પીએમઓના આદેશથી ટીમોએ નિરીક્ષણ કર્યુ હતું.

પ્રાપ્ત માહિતી મુજબ તીર્થધામ સોમનાથમાં ૧૧ જેટલા પ્રાચીન સૂર્ય મંદિરો આવેલા છે ત્યારે સોમનાથ નગરપાલિકાના પ્રમુખ પિયુષ ફોફંડીએ વડાપ્રધાનશ્રી નરેન્દ્રભાઈ મોદીને ટ્વીટ કરીને સૂર્ય મંદિરોના વિકાસની વાત કરી હતી. ત્યાર બાદ પીએમઓ દ્વારા રાજ્ય સરકારને આદેશ આપવામાં આવ્યો હતો જેથી રાજ્ય સરકારે ટુરીઝમ વિભાગની ટીમોએ ગઈકાલે વેરાવળ તીર્થધામ ખાતે સૂર્ય મંદિરોનું નિરીક્ષણ કર્યુ હતું. ત્યાર બાદ આ અંગે રાજ્ય સરકારને રીપોર્ટ આપવામાં આવશે.

આ અંગે શ્રી સોમનાથ ટ્રસ્ટના જનરલ મેનેજર વિજયસિંહ ચાવડાએ અકિલાને જણાવ્યુ હતુ કે ગઈકાલે આ ટીમો નિરીક્ષણ માટે આવી હતી અને ત્યાર બાદ ગાંધીનગર રવાના થઈ હતી. હાલમાં સોમનાથ તીર્થધામમાં ૬ જેટલા સૂર્ય મંદિરો આવેલા છે. અન્ય ૬ મંદિરોનું લોકેશન શોધવાની કામગીરી ટુરીઝમ વિભાગ દ્વારા હાથ ધરવામાં આવશે. ત્યાર બાદ આગળની કાર્યવાહી હાથ ધરવામાં આવશે.(૨-૨૧)

(12:07 pm IST)
  • ' જય જગન્નાથ ' : 285 વર્ષમાં પહેલીવાર જગન્નાથજી યાત્રા ભક્તો વિના નીકળશે : રસીકરણ કરાવેલ વોલન્ટિયર્સ જ રથ ખેંચી શકશે : વર્તમાન કોવિદ -19 સંજોગોને ધ્યાને લઇ લેવાયેલો નિર્ણય access_time 11:29 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST