Gujarati News

Gujarati News

News of Friday, 11th June 2021

ઉનાની વડવિયાળા સીમમાં દીપડો ત્રાટકતા ૧ વર્ષના બાળકનું મોત

(નવીન જોષી દ્વારા) ઉના, તા., ૧૧:  તાલુકાના વડવિયાળા સીમમાં રહેતા પરીવારના ઘરમાં રાત્રે દીપડો ત્રાટકીને એક વર્ષના બાળક ઉપર હુમલો કરતા બાળકનું મોત નિપજયું હતું. બાળકનું મોત નીપજાવનાર  દીપડાને પકડવા વન વિભાગે પાંજરા ગોઠવ્યા છે.

ઉનાના ગીરગઢડા તાલુકાના વડવીયાળા ગામની સીમ વિસ્તારમાં રહેતા બીજલભાઇ પરમાર તેમનો પરીવાર તથા તેનો ગોપાલ (ઉ.વ.૧) તથા બીજા બે બાળકો પત્ની સુતા હતા ત્યારે શિકારની લાલચમાં એક દિપડો આવી ગોપાલ ઉમરવરસ એકને દાંત બેસાડી ઝુંપડાથી ૧૦૦ મીટર લઇ જતા દિકરો રડવા લાગતા માતા-પિતા જાગી જઇ દિપડાના મોઢામાંથી છોડાવી દીપડાને ભગાડી મુકેલ.

ઉના સરકારી દવાખાને સારવાર માટે દીકરાને લાવતા ડોકટરે મૃત જાહેર કરેલ હતો. બીજલભાઇના પરીવારમાં શોક છવાઇ ગયો છે. ગીર પુર્વ વન વિભાગ જશા ધારણીરા રેન્જ  કચેરીને જાણ થતા માનવભક્ષી દિપડાને પકડવા વડવીયાળા સીમમાં પાંજરા ગોઠવી પકડવા તજવીજ હાથ ધરી છે. ઉના પંથકમાં દિપડાનો માનવી ઉપર હુમલા વધ્યા હોય લોકોએ સાવચેત જાગૃત બનવું જોઇએ.

(11:51 am IST)
  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST