Gujarati News

Gujarati News

News of Friday, 11th June 2021

સિદસરનું ઉમિયા માતાજી મંદિર દર્શનાર્થે ખુલ્યું: પૂજા, આરતી, ધ્વજારોહણ, લગ્નપ્રસંગ સહીતના કાર્યક્રમો કરી શકાશે

સરકારની ગાઇડ લાઇન મુજબ કડવા પાટીદારોનું આસ્થાનું કેન્દ્ર ભાવિકો માટે ખુલ્લુ મુકાયુ

  રાજકોટ તા.૧૧ કડવા પાટીદારોના આસ્થાના કેન્દ્ર સમાન ઉમિયાધામ સિદસરમાં સેંકડો ભાવિકો દર્શનાર્થે આવે છે. અને મા ઉમિયાની આરાધના તથા સેવા પૂજાનો લ્હાવો લે છે. ત્યારે હાલ વિશ્વભરમાં કોરોના વાયરસને કારણે ફેલાયેલ મહામારીને ધ્યાનમાં રાખી લોકોના સ્વાસ્થયને હાની ન પહોચે તે હેતુને ધ્યાનમાં રાખી જનહીતમાં ઉમિયા માતાજી મંદિર સિદસરના ટ્રસ્ટીઓ દ્વારા ઉમિયાધામ સિદસરને ભાવિકો માટે બંધ કરવાનું એલાન કરવામાં આવ્યુ હતુ.

 હાલ કોરોના વાયરસની મહામારી મહદ અંશે કાબુમાં આવતા સમગ્ર દેશમાં લોકડાઉનના નિયમો હળવા થતા જનજીવન પુનઃ ધબકતુ થઇ રહયુ છે ત્યારે ઉમિયા માતાજી મંદિર ટ્રસ્ટ સિદસરના ટ્રસ્ટીઓ દ્વારા ઉમિયાધામને તા. ૧૧ જુન એટલે કે આજથી ભાવિકો માટે દર્શનાર્થે ખુલ્લુ મુકવામાં આવ્યુ છે ઉમિયાધામ સિદસરના આંગણે પુજા, આરતી, ધ્વજારોહણ, લગ્નપ્રસંગ સહીતની પ્રવૃતીઓ સરકારશ્રીની ગાઇડલાઇન મુજબ મર્યાદિત સંખ્યામાં શરૂ કરાઇ છે. ઉમિયાધામના દર્શનાર્થે આવતા ભાવિકોએ માસ્ક પહેરવું, સોશ્યલ ડીસ્ટન્સ તેમજ સેનેટાઇઝરનો ઉપયોગ કરવો ફરજીયાત રહેશે તેમ ઉમિયાધામ સિદસર ના પ્રમુખ જેરામભાઇ વાંસજાળીયા, ચેરમેન મૌલેશભાઇ ઉકાણી તથા મેનેજીંગ ટ્રસ્ટી જયેશભાઇ પટેલની યાદીમાં જણાવાયુ છે.

(11:41 am IST)
  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST

  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST