Gujarati News

Gujarati News

News of Friday, 11th June 2021

સાવરકુંડલા વેપારી મંડળના પ્રમુખ તરીકે માજી નગરપતિ રાજુભાઇ દોશીની વરણી

(ઇકબાલ ગોરી દ્વારા) સાવરકુંડલા, તા.૧૧: વેપારી મંડળના પ્રમુખ તરીકે પૂર્વ નગરપતિ રાજુભાઇ દોશીની વરણી કરવામાં આવતા શહેરના વેપારી આલમમાં ખુશી વ્યાપી જવા પામી છે.

અમરેલી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝના પ્રમુખ ચતુરભાઈ પટેલ અને ઉપપ્રમુખ રાજુભાઇ શીંગાળા વિગેરે જિલ્લાના હોદેદારોની ઉપસ્થિતિમાં સાવરકુંડલા ખાતે વેપારી મહામંડળની એક મીટીંગ મળી હતી જેમાં વેપારીના હિતની અને વેપારીના પ્રશ્ર્નો અંગે વિસ્તૃત ચર્ચા વિચારણા કરવાના અંતે સાવરકુંડલા વેપારી મહામંડળના પ્રમુખ તરીકે સાવરકુંડલા શહેરના આગેવાન અને માજી નગરપતિ અને માજી નાગરિક બેંકના ચેરમેન શ્રી રાજુભાઇ દોશીની સર્વાનું મતે વરણી કરવામાં આવી હતી. આ વરણીને અમરેલી જિલ્લાના સાંસદ નારણભાઇ કાછડીયા જિલ્લા ભાજપના પ્રમુખ કૌશિકભાઈ વેકરિયા, દીપકભાઈ માલાણી વિગેરે આગેવાનોએ આવકારી અભિનંદન પાઠવેલ હતા.

(10:30 am IST)
  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST