Gujarati News

Gujarati News

News of Friday, 11th June 2021

હળવદ - માળીયામિંયાણા પંથકમાં વાવાઝોડા - વરસાદમાં મીઠાને થયેલ નુકસાનીનું તાકીદે વળતર આપો : મોરબી જિલ્લા પંચાયત પ્રમુખની મુખ્યમંત્રીને રજુઆત

(દીપક જાની દ્વારા) હળવદ,તા. ૧૧: તાઉ'તે વાવાઝોડા લીધે મીઠાને થયેલ નુકસાનીનું તાકીદે વળતર આપવા મોરબી જિલ્લા પંચાયત પ્રમુખ ચંદુલાલ શિહોરા દ્વારા મુખ્યમંત્રી વિજયભાઈ રૂપાણીને લેખિત રજૂઆત કરવામાં આવી છે

આ રજુઆતમાં જણાવાયા અનુસાર ગત તા.૧૮ મેના રોજ તાઉતે નામના વાવઝોડાના લીધે ભારે પવન અને વરસાદથી ગુજરાતના મોટા ભાગમાં નુકસાની સર્જેલ છે. તેવી જ રીતે મોરબી જીલ્લાના હળવદ અને માળીયા (મી.) તાલુકામાં તેમજ રણકાંઠા વિસ્તારના અગરીયાઓને પણ મોટું નુકસાન થયેલ છે. આ વિસ્તારના મીઠું પકવતા લોકોની મુલાકાત દરમ્યાન જાણવા મુજબ વાવાઝોડાના કારણે લાખો ટન મીઠાનું ધોવાણ થયેલ છે. તેમજ તેઓના રહેઠાણને મોટા પાયે નુકસાન થયેલ છે અને તેનું સર્વે પણ સબંધીત સંસ્થા/કચેરી દ્વારા થયેલ છે. પરંતુ નુકસાન ખુબ જ મોટા પ્રમાણમાં થયેલ હોય જેને ધ્યાને લઇ મોરબી જીલ્લાનાં હળવદ અને માળીયા (મી.) તેમજ રણકાંઠાના અગરીયા વિસ્તારના લોકોને યોગ્ય વળતર મળે તેવી વિનંતી કરાઈ છે.

(10:56 am IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST