Gujarati News

Gujarati News

News of Friday, 11th June 2021

અમરેલીના આંબરડીમાં અનરાધાર વરસાદ :રસ્તાઓમાં પાણી ફરી વળ્યાં :ખારી નદીમાં ઘોડાપુર :વાહન વ્યવહાર ખોરવાયો

જુલા,જાફરાબાદ,સાવરકુંડલા , જાફરાબાદ અને ધારી તાલુકામાં ધોધમાર વરસાદ : શેલ નદી અને વાવડીની નદી બે કાંઠે વહેતી

અમરેલીમાં ચોમાસાની ધમાકેદાર એન્ટ્રી થઈ ગઈ છે. રાજુલા,જાફરાબાદ,સાવરકુંડલા સહિતના વિસ્તારોમાં ધોધમાર વરસાદ ખાબક્તા રસ્તાઓ બેટમાં ફરી વળ્યા હતા. ત્યારે ચરખડીયાની ખારી નદીમાં ઘોડાપુરની સ્થિતિ સર્જાઈ હતી. જો કે, સિઝનમાં પ્રથમવાર નદીમાં પુર આવતા બે કાંઠે વહેવા લાગી હતી.

રાજયના ઘણા જિલ્લાઓમાં વરસાદી માહોલ જોવા મળી રહ્યો છે. છેલ્લા બે દિવસથી વલસાડમાં પણ મેઘરાજાનું આગમન થતા લોકોમાં રાહત અનુભવી હતી. ત્યારે અમરેલીના રાજુલામાં ધોધમાર વરસાદને કારણે પુલ પર પાણી ફરી વળ્યું હતુ જેના કારણે તેને બંધ કરી દેવામાં આવ્યો હતો અને વરસાદ રોકાતા તેને ખોલી દેવામાં આવ્યો હતો.

અમરેલીના સાવરકુંડલા, રાજુલા, જાફરાબાદ ઉપરાંત ધારી તાલુકામાં પણ ધોધમાર વરસાદ વરસ્યો હતો. ચલાલા, વાઘવડી, વાવડી, કરેણ, લાખાપાદર, અનિડા, ગોપાલ ગ્રામ સહિતના ગામોમાં ધોધમાર વરસાદ વરસ્યો હતો. લાખાપાદર પાસેથી પસાર થતી શેલ નદી અને વાવડીની નદી બે કાંઠે વહેતી થઈ હતી.

રાજુલામાં બીજા દિવસે પણ મેઘરાજા મનમુકી વરસ્યા હતા. આજે રાજુલા શહેરમાં 2 કલાકમાં 1 ઇંચ વરસાદ ખાબક્યો હતો અને જાફરાબાદ શહેરમાં ધીમીધારે વરસાદ વરસી રહ્યો છે સાથે રાજુલા જાફરાબાદ તાલુકાના ગામડામાં પણ વરસાદનું આજે આગમન ધમાકેદાર થયું છે.

(9:39 pm IST)
  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST