Gujarati News

Gujarati News

News of Friday, 11th June 2021

મોરબીમાં ગેરકાયદેસર દબાણો હટાવવા પાલિકા તંત્રએ રસ ના દાખવ્યો :હવે કલેકટર સમક્ષ ઘા : સ્ટેશન રોડના રહીશ જાગૃત યુવાને કલેકટરને રજૂઆત કરી

મોરબીના સ્ટેશન રોડ પરના ગેરકાયદેસર દબાણો હટાવવાની માંગ સાથે જાગૃત યુવાને જીલ્લા કલેકટરને રજૂઆત કરી માંગ કરી છે
મોરબીના સ્ટેશન રોડ પર રહેતા દીપ પંડ્યા નામના યુવાને જીલ્લા કલેકટરને રજૂઆત કરી જણાવ્યું છે કે સ્ટેશન રોડ પર નગરપાલિકા દ્વારા લગાવેલ હોડીંગ્સ બોર્ડ નીચે હોવાથી મુશ્કેલી થાય છે અને આવા જોખમી હોડીંગ્સથી લોકોના જીવ જોખમમાં મુકાય છે તેની ભૂદેવ પાન બાજુમાં માથાભારે શખ્શોએ ગેરકાયદેસર દબાણ કરી કેબીન મુકેલ છે શેરીમાં લત્તાવાસીઓની બહેન દીકરીઓ પસાર થાય ત્યારે અભદ્ર વર્તન કરવામાં આવે છે જે સમસ્યા મામલે અગાઉ ગત તા. ૧૭-૦૫ ના રોજ મોરબી નગરપાલિકા તંત્રને રજૂઆત કરી હતી
પરંતુ મોરબી પાલિકાએ કોઈ પગલા લીધા નથી તેમજ તેના માતાએ પણ ગત તા. ૦૩ જુનના રોજ મોરબી એ ડીવીઝન પોલીસ મથકમાં લેખિત અરજી આપી છે છતાં કોઈ સંતોષકારક પગલા લીધા નથી જેથી યોગ્ય ન્યાયિક પગલા લેવા અને ગેરકાયદેસર દબાણ કરેલ કેબીન અને હોડીગ્સ બોર્ડ ઉપડાવી લતાવાસીઓની મુશ્કેલીનો અંત લાવવા માંગ કરી છે

(9:14 pm IST)
  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • અહો આશ્ચર્યમ !! ઇઝરાઇલના યેવ્નીમાં ખોદકામ દરમિયાન 1000 વર્ષ જૂનું મરઘીનું અખંડ ઇંડું મળી આવ્યું છે. એક પુરાતત્ત્વવિદે જણાવ્યું હતું કે, "આ ઇંડાની અનન્ય જાળવણી દેખીતી રીતે નરમ માનવ મળ ધરાવતા સેસપિટમાં, તે સદીઓથી મૂકેલી સારી પરિસ્થિતિઓને કારણે હતી અને આ ઈંડાને આટલા વર્ષો જાળવી રાખવામાં મદદરૂપ બની હતી." અન્ય એક પુરાતત્ત્વવિદે કહ્યું કે, "ઇંડામાં એક નાની તિરાડ હતી, જેના લીધે મોટાભાગનું પ્રવાહી તેમાંથી બહાર નીકળી ગયું હતું." access_time 5:50 pm IST