Gujarati News

Gujarati News

News of Tuesday, 11th June 2019

પોરબંદરમાં કેન્દ્રની રેસ્કયુ ટીમનું સાંજ સુધીમાં આગમનઃ બંદર કાંઠે ૧ નંબરનું સિગ્નલ

અરબી સમુદ્રમાં લો-પ્રેસરથી પોરબંદર કાંઠે ચક્રવાત પવન ફુંકાય તેવી સંભાવનાઃ કલેકટરે તકેદારીની બેઠક યોજીઃ માછીમારોને દરિયો નહી ખેડવા ચેતવણી

પોરબંદર તા. ૧૧ :.. અરબી સમુદ્રમાં લો-પ્રેસરના પગલે પોરબંદર કાંઠે ૧ નંબરનું સિગ્નલ ચઢાવી દેવામાં આવ્યું છે. દરીયા કાંઠે સંભવીત વાવાઝોડાની અસર સામે કેન્દ્રની રેસ્કયુ ટીમ (એનડીઆરએફ) ની ૧૪ જવાનો સાથેની એક ટીમ વેરાવળથી પોરબંદર આવવા રવાના  થઇ ગયેલ છે. જે સાંજ સુધીમાં પોરબંદર પહોંચી જશે.

દરીયામાં લો-પ્રેસરની પોરબંદર કાંઠે અસરની સંભાવના ધ્યાને લઇને જિલ્લા કલેકટરે તકેદારીની બેઠક યોજી હતી. માછીમારોને દરિયો નહીં ખેડવા ચેતવણી અપાય છે.પોરબંદર અને બરડા ડુંગર વિસ્તારમાં અસહ્ય બફારો તથા બપોરે આકાશમાંથી અગ્નિ જાળ વરસી રહી છે. વેરાવળ દરીયા કાંઠાથી ૭૦૦ કી. મી. દૂર લો-પ્રેસર છે. જેને લઇને પોરબંદર દરીયાકાંઠે એલર્ટ જાહેર કરેલ છે પોરબંદર કાંઠાને લાંબા સમયથી સાઇકોલોનગ્રસ્ત જાહેર કરેલ છે. પરંતુ પોર્ટ કંટ્રોલ રૂમમાં હવામાન માપવાના પુરતા સાધનો નથી. જિલ્લા કલેકટર અને ડીઝાસ્ટાર મેનેજમેન્ટ ઉપર આધાર રાખવો પડે છે.

(2:10 pm IST)
  • પશ્ચિમ બંગાળમાં બોંબ વિસ્ફોટ થયોઃ ૨ના મોતઃ ૪ ઘાયલ : મોડી રાત્રે કોઈએ દેશી બોંબના ઘા કર્યાઃ આ વિસ્તારમાં ધાડ પડી છે access_time 11:39 am IST

  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • પ.બંગાળના ઉતર ૨૪ પરગણા જિલ્લાના ડાંકીનારામાં બોમ્બ બ્લાસ્ટમાં ૨ના મોત થયા અને ૪ ને ઇજા થઇ છેઃ ટીએમસી-બીજેપી કાર્યકર્તાઓ વચ્ચે હિંસક બનાવોએ વિકરાળ સ્વરૂપ ધારણ કર્યુ છે. જો કે આ ઘટનામાં હજુ સ્પષ્ટ થયું નથી તેની પાછળ કોનો હોય છે. ટીએમસીએ બીજેપીએ લગાવેલા આરોપીને ફગાવી દીધા છે. access_time 1:55 pm IST