Gujarati News

Gujarati News

News of Tuesday, 11th May 2021

કાલાવડમાં કરા પડયાઃ સુરેન્દ્રનગરમાં ૪૧ ડિગ્રી

રાજકોટ સહિત સૌરાષ્ટ્ર-કચ્છમાં વળી પાછો મિશ્ર ઋતુનો માહોલઃ દરરોજ બપોરે આકરો તાપ

રાજકોટ તા.૧૧ : રાજકોટ સહિત સૌરાષ્ટ્ર-કચ્છમાં સર્વત્ર મિશ્ર ઋતુનો માહોલ યથાવત છે.ગઇકાલે સાંજે ફરી પાછો વાતાવરણમાં પલ્ટો આવ્યો હતો. અને સાંજના સમયે રાજકોટ-જામનગર હાઇ-વે ઉપરના કાલાવડ અને ગ્રામ્ય વિસ્તારોમાં કરા પડયા હતા.

રાજકોટમાં પણ સાંજના સમયે હળવા છાંટા અમુક વિસ્તારોમાં પડયા હતા.

આજે સવારથી અસહય ઉકળાટ યથાવત છે કાલે સુરેન્દ્રનગર ૪૧ ડિગ્રી તાપમાન નોંધાયું હતું.

જયારે રાજકોટમાં ૪૦.૮, વડોદરા, ૪૦.૬, જામનગર ૩પ, અમરેલી ૪૦.૪, ભુજ ૩૮.ર ડિગ્રી મહત્તમ તાપમાન નોંધાયું હતું.

કાલાવડ

(કમલેશ આશરા દ્વારા) કાલાવડ : કાલાવડમાં આજે બપોરે ૪ વાગ્યે ગાજ-વીજ સાથે ધીમી ધારે નાના-નાના બરફના કરા પડયા.

કાલાવડ ઉપરાંત કંઠાળ વિસ્તારના જીવાપર ગામે ખેતરો બરફના કરાથી ભરીને સફેદ ચાદર પાથરી હતી. અને વાતાવરણ  ઠંડુ બની ગયું છે.

જામનગર

(મુકુંદ બદિયાણી દ્વારા) જામનગરઃ આજનું હવમાન ૩પ મહત્તમ ર૬.પ લઘુતમ ૭૭ ટકા વાતાવરણમાં ભેજનું પ્રમાણ ૧૧.૯ પ્રતિ કલાક પવનની ગતિ હતી.

(11:50 am IST)
  • તેલંગણામાં આવતીકાલથી ૧૦ દિવસનું લોકડાઉન : સવારે ૬ થી ૧૦ તમામ કામકાજ ચાલુ રાખવાની છૂટ : કોરોના વેક્સીનની ખરીદી માટે વૈશ્વિક ટેન્ડર બહાર પડાશે : તેલંગણા સરકારે આવતીકાલે તા.૧૨મી મે થી રાજયમાં ૧૦ દિવસનું લોકડાઉન જાહેર કર્યુ છે : જા કે તમામ કામકાજ સવારે ૬ થી ૧૦ સુધી ચાલુ રાખવા દેવામાં આવશે : તેલંગણામાં છેલ્લા બે અઠવાડીયાથી રાત્રી કર્ફયુ અમલમાં છે : સવારે ૬ થી ૧૦ને બાદ કરતા રાજયમાં બાકીના સમય માટે સંપૂર્ણ લોકડાઉન રહેશે : તેલંગણા સરકાર જૂન મહિના પછી ૧૮ વર્ષથી ઉપરની વયનાઓ માટે રસીકરણ ડ્રાઈવ શરૂ કરશે : તેલંગણા કેબીનેટે કોવિડ-૧૯ વેક્સીન ખરીદવા માટે વૈશ્વિક ટેન્ડરો પાર પાડવાનું પણ નક્કી કર્યુ છે access_time 4:01 pm IST

  • કોરોના મહામારી : રેલ્વેના રોજ ૧૦૦૦ કર્મચારી થાય છે સંક્રમિત : મહામારીએ અત્યાર સુધીમાં ૧૯૫૨ના જીવ ગયા : ભારતીય રેલ્વેમાં કુલ ૧૩ લાખથી વધુ કર્મચારીઓ કામ કરે છે. પ્રતિદિન લગભગ ૧,૦૦૦ કર્મચારીને કોરોના થઇ રહ્યો છે : અત્યાર સુધીમાં રેલ્વેના ૧૯૫૨ કર્મચારીઓએ જીવ ગુમાવ્યો છે : અત્યાર સુધીમાં ૧ લાખથી વધુ કર્મચારીઓ સંક્રમિત થયા છે જેમાંથી ૬૫,૦૦૦ સાજા થઇ કામ પર પાછા ફર્યા છે. access_time 11:06 am IST

  • આસામ : મુખ્યમંત્રી તરીકે શપથ લેતા પહેલા હિમાંતા બિસ્વા શર્મા મંદિરે પહોંચ્યા : કામાખ્યા મંદિરમાં શીશ ઝુકાવી દર્શન કર્યા : આજરોજ આસામના 15 માં મુખ્યમંત્રી તરીકે શપથ લેશે : અન્ય 13 મંત્રીઓની પણ શપથવિધિ કરાશે access_time 12:11 pm IST