Gujarati News

Gujarati News

News of Saturday, 11th May 2019

પોરબંદરના કુછડીમાં પ્રેમ સંબંધની ના પાડતા યુવતીની હત્યા

પરીણિત પુરૂષ સાથે પ્રેમ સંબંધ બાદ યુવતીની સગાઇ થઇ જતા ડખ્ખો : પ દિવસ પહેલા મળેલ યુવતીની લાશ ભેદ ઉકેલતી એલસીબી પોલીસ

પોરબંદર, તા. ૧૧:  પાંચ દિવસ પહેલા કુછડીની રીંણાવાડા સીમમાં યુવતીની મળેલી લાશનો ભેદ એલસીબી પોલીસે ઉકેલી લીધો છે.

હત્યા થયેલ યુવતી વનીતા ઉર્ફે વીરૂ રણજીતભાઇ કારાવદરા (ઉ.ર૧)ને પરીણિત પુરૂષ સાથે  પ્રેમ સંબંધ હતો અને યુવતીની સગાઇ થઇ જતા અને પ્રેમ સંબંધ રાખવાની ના પાડતા પરીણિત પુરૂષ ખાપટના હાર્દિક મેણંદ મોઢવાડિયા ઉશ્કેરાય જઇને તિક્ષણ હથિયારોના ઘા મારી ને વનીતાની હત્યા કરી નાખી હતી.

પાંચ દિવસ પહેલા કુછડીની વનીતા ઉર્ફે વીરૂ રણજીતભાઇ કારાવદરા (ઉ.વ.ર૧)ની કુછડીની રીણાવાડા સીમમાં લાશ મળી હતી આ બનાવની પોલીસને જાણ મરનારના પિતા રણજીતભાઇએ કરતા પોલીસે લાશને પોરબંદરની સરકારી હોસ્પિટલે પી.એમ. માટે મોકલી હતી. પી.એમ. રીપોર્ટમાં તેનું મૃત્યુ શરીરે તિક્ષણ હથિયારના ઘા મારવાથી થયાનું ખુલ્યું હતું.

એલસીબી પોલીસે આ બનાવમાં ઝીણવટ ભરી તપાસ કરીને હત્યા સંબંધે ખાપટના હાર્દિક મેણંદ મોઢવાડિયાની અટક કરતા તેમણે કબુલાત આપી હતી કે  પોતે પરીણિત છે અને વનીતા સાથે પ્રેમ સંબંધ થઇ ગયો હતો દરમિયાન વનીતાની સગાઇ થઇ જતા પ્રેમ સંબંધ રાખવાની ના પાડતા હાર્દિક ઉશ્કેરાઇ જઇને તિક્ષણ હથિયાર વડે વનીતાની હત્યા કરી નાખી  હતી.

એલસીબી દ્વારા ઉડાણપૂર્વક તપાસ બાદ યુવતીના લાશનો ભેદ પ દિવસમાં ઉકેલ આવેલ છે તપાસ એલસીબી પોલીસ ઇન્સ્પેકટર પી.ડી. દરજી ચલાવી રહ્યાં છે.

(11:41 am IST)
  • હરભજનસિંહ અને લક્ષ્મણ આવ્યા ગંભીરના સમર્થનમાં :ક્રિકેટના મેદાનથી રાજનીતિની પીચમાં આવેલા ભાજપના ઉમેદવાર ગૌતમ ગંભીર સામે આપના ઉમેદવાર આતીષીએ લગાવેલ ગંભીર આરોપને હરભજનસિંહ અને લક્ષ્મણે પાયાવિહોણા ગણાવ્યા ;કહ્યું ગંભીર એવા પ્રકારનો નથી જે મહિલા વિરુદ્ધ આપત્તીજનક વાતો કરી શકે access_time 1:09 am IST

  • અમદાવાદમાં યુરિયા ખાતર ઝડપવા મામલે નારોલ પોલીસે ૨૦૦ થેલી યુરિયા ખાતર ઝડપ્યુ : હેપ્પી અને નિરોલી ગામના ખેતર અંગે પોલીસે તપાસ શરૂ કરી : દસકોઈના નિરોલી ગામેથી ભરાયુ હતું ખાતર : આરોપીની પૂછપરછમાં હેપ્પી પટેલનું નામ ખુલ્યુ : ઝડપાયેલા ૨ આરોપીઓની પૂછપરછમાં વધુ એક નામ ખુલ્યુ : કૃષિ વિભાગના રિપોર્ટ બાદ પોલીસ નોંધશે ગુનો access_time 2:02 pm IST

  • ટ્યુનિશિયામાં હોડી ડૂબી જતા 70 પ્રવાસીઓના મોત :ટ્યૂનિશિયાના સફાક્સ પ્રાંતમાં સ્થિત એક કિનારાથી 4 માઈલ દૂર નાવ ડૂબી જતા તેના પે સવાર ઉપ સહારાઈ મૂળના અવૈધ પ્રવાસીઓના મોત નિપજ્યા: સ્થાનિક મીડિયા મુજબ માછલી પકડવાવાળી નાવ અને માછીમારોએ 16 પ્રવાસીઓને બચાવ્યા છે access_time 1:23 am IST