Gujarati News

Gujarati News

News of Saturday, 11th May 2019

માંડવીના મોટા લાયજાના યુવાનની નિર્જન સીમાડેથી લાશ મળી : માથામાં પથ્થરના ઘા ના ઈજાના નિશાન :15 દિ પછી લગ્ન હતા

 

માંડવીના મોટા લાયજા ગામે ૨૧ વર્ષના અપરિણીત યુવકનું ભેદી સંજોગોમાં મૃત્યુ થતાં પોલીસ તંત્રમાં દોડધામ મચી ગઈ છે.

  અંગે મળતી વિગત મુજબ મોટા લાયજા ગામના મીતેશ બાબુલાલ દાતણીયા નામનો યુવક બપોરે સીમાડે આવેલી વાડીએ ગયો હતો. સાંજે માથામાં પથ્થરના ઘા થી ગંભીર રીતે ઘાયલ હાલતમાં નિર્જન સીમાડે પડ્યો હતો. બાદમાં ગંભીર ઈજાના કારણે તેનું મોત  નીપજ્યું હતું.

   બનાવ અંગે પ્રાથમિક માહિતી આપતાં પીઆઈ એમ.જે.જલુએ જણાવ્યું કે સ્થળ પર લોહીના નિશાનવાળો પથ્થર પડ્યો હતો અને લોહીના ટીપાં થોડેક દૂર સુધી ટપકેલાં જણાય છે. બાજુમાં ચપ્પલ પડી હતી. બનાવનું કોઈ પ્રત્યક્ષદર્શી નથી. તેના પરિવારજનોએ કોઈની પર શંકા વ્યક્ત કરી નથી. પોલીસે હાલ તુરંત અકસ્માત મોતની નોંધ પાડવા સાથે હત્યાના એંગલ પર તપાસ શરૂ કરી છે.

   મરનાર મિતેશના ૧૫ દિવસ બાદ લગ્ન થવાના હતા તેવું બહાર આવ્યું છે. જુવાનજોધ દીકરાના મોતની ઘટનાએ તેના સ્વજનોને સ્તબ્ધ કરી દીધાં છે.

(12:58 am IST)
  • સુરતના પલસાણાના કરણ ગામે યુવક સાથે સાધુવેશમાં આવેલા બે શખ્શોએ આચરી છેતરપીંડીઃ પહેલા દક્ષિણા માંગી પછી ધમકાવી રૂ.૧૫ હજાર પડાવ્યાઃ લોકોએ બંને સાધુને પકડી પોલીસને સોંપ્યા access_time 3:43 pm IST

  • રિલાયન્સનો ''રમકડા'' માર્કેટમાં પ્રવેશ : મુકેશ અંબાણીએ હેમલીઝ કંપની ખરીદી : જે રપ૯ વર્ષ જુની છે : ૧૮ દેશોમાં હેમલીઝના ૧૬૭ સ્ટોર છે : આ કંપની મુળ બ્રિટનની છે રિલાયન્સે ૬ર૦ કરોડમાં આ સોદો કર્યો છે. આ સોદા સાથે રિલાયન્સે રમકડાના આંતરરાષ્ટ્રીય બજારમાં ઝંપલાવ્યું છે access_time 3:22 pm IST

  • બે દિવસ થન્ડર સ્ટોર્મની રહેશે અસરઃ ગુજરાતમાં તાપમાનનો પારો ગગડયોઃ અંબાજી, સાબરકાંઠા અને અરવલ્લીમાં વરસાદ : ઉતર ગુજરાતમાં વરસાદી માહોલના કારણે ગરમીમાં વરસાદી ઝાપટાથી ગુજરાતીઓને મળી રાહતઃ હજુ આગામી ૨૪ કલાક દરમિયાન ગાજવીજ સાથે સામાન્ય વરસાદની આગાહીઃ ઇડર, વડાલી અને ખેડબ્રહ્મા, વિજયનગરમાં વરસાદઃ કેટલાક વિસ્તારોમાં વીજપોલ પડવાથી લાઇટો ગુલઃ ભારે પવનના કારણે કાચા મકાનોને નુકશાનઃ વાવાઝોડા સાથે વરસાદી ઝાપટું: પોશીનામાં પણ મોડી રાત્રે વરસાદ access_time 3:22 pm IST