Gujarati News

Gujarati News

News of Sunday, 11th April 2021

કચ્છના સામખિયાળી પાસે નિખિલ દોંગાને લઈ જતી પોલીસ જીપ ડમ્પર સાથે અથડાઈ પલટી : ભુજથી જામનગર મેડિકલ ચેકઅપ માટે લઈ જતી વેળાએ થયેલા અકસ્માતમાં તમામનો બચાવ : ડમ્પર ચાલક સામે સામખિયાળી પોલીસ મથકે ફરિયાદ

(વિનોદ ગાલા દ્વારા)ભુજ::: ગુજસીટોકમાં ઝડપાયેલા ગોંડલના કુખ્યાત ગુનેગાર નિખિલ દોંગા ને મેડિકલ ચેકઅપ માટે જામનગર લઈ જતી પોલીસ જીપ પલટી મારી ગઇ હતી. પશ્ચિમ કચ્છ એલસીબીની બોલેરો જીપને સામખિયાળી પાસે અકસ્માત નડ્યો હતો. જે અંગે ડ્રાઈવર કોન્સ્ટેબલ કુંપાભાઈ ચૌધરીએ નોંધાવેલી ફરિયાદ મુજબ ગઇકાલે નિખિલ દોંગા ને મેડિકલ ચેકઅપ માટે ભુજથી જામનગર લઈ જતી વેળાએ સવારે ૯ વાગ્યાના અરસામાં સામખિયાળી હાઈવે ઉપર આગળ જતાં ડમ્પરે એકાએક ક્ટ મારી ટર્ન લેતાં તેમણે પોતાની જીપ બચાવવા પ્રયાસ કરતાં જીપ ડમ્પરમાં અથડાઈ પલટી મારી ગઈ હતી. જોકે, આ અકસ્માતમાં તમામનો બચાવ થયો હતો. જે અંગે ડમ્પર ચાલક સામે સામખિયાળી પોલીસ મથકે ફરિયાદ નોંધાવાઈ છે. જીપમાં ગુનેગાર નિખિલ દોંગા સાથે પીએસઆઈ એચ.એમ. ગોહિલ, એએસઆઈ જયદીપસિંહ ઝાલા, હે.કો. વિરેન્દ્રસિંહ જાડેજા, કોન્સ્ટે. દેવજીભાઈ મહેશ્વરી, રાજુભાઈ ચૌધરી હતા. અકસ્માતમાં તમામ નો બચાવ થયો હતો.

(9:59 am IST)
  • મહારાષ્ટ્રમાં લોકડાઉન લગભગ નક્કી : રાજ્યની કોરોના ટાસ્ક ફોર્સની આજની બેઠક પુરી થયા બાદ મંત્રી અસલમ શેખે જણાવ્યું છે કે "બેઠકમાં સામેલ બધાનો મત રાજ્યમાં લોકડાઉન લાદવાનો છે અને આ બારામાં SOP અને ગાઈડલાઈન મુદ્દે હવે ચર્ચા કરવામાં આવશે." access_time 8:34 pm IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:51 pm IST

  • કોરોનાનો કહેર વધતા દિલ્હી સરકારની નવી ગાઇડલાઇન જાહેર : લગ્નમાં 50 અને અંતિમ સંસ્કારમાં 20 લોકોને મંજૂરી : મહારાષ્ટ્રથી હવાઇ માર્ગે દિલ્હી આવતા તમામ મુસાફરોએ 72 કલાક જૂનો પોતાનો આરટીપીસીઆર નેગેટિવ રિપોર્ટ બતાવવાનો રહેશે: તમામ પ્રકારના સામાજિક, રાજકિય, સાંસ્કૃતિક, રમત ગમત, મનોરંજન, ધાર્મિક અને તહેવાર સંબંધી મેળાવડા પર પ્રતિબંધ access_time 12:41 am IST