Gujarati News

Gujarati News

News of Monday, 11th February 2019

બાલગુરૂ અને વિદ્યા સહાયકોને ન્યાય આપવાની માંગ સાથે જુનાગઢમાં ધરણા

જુનાગઢઃ તસ્વીરમાં ધરણા કરતા કર્મચારીઓ નજરે પડે છે. (તસ્વીરઃ મુકેશ વાઘેલા-જુનાગઢ) (૪.૯)

(વિનુ જોષી દ્વારા) જુનાગઢ, તા., ૧૧: જિલ્લા પ્રાથમીક શિક્ષક સંઘ દ્વારા ૧૯૯૭થી ભરતી થયેલા પ્રાથમીક શાળાના વિદ્યા સહાયકોની સળંગ નોકરી ગણવી. સાથે સાથે ઉચ્ચતર પ્રાથમીક શિક્ષકોને ૪ર૦૦ ગ્રેડ પે અને એચ.ટાટ. શિક્ષકોના આર.આર. નક્કી કરવા અને શિક્ષણકાર્ય ઉપરાંત ૬૦ જેટલી અન્ય વધારાની કામગીરી આપવામાં આવે છે. જેવા પ્રશ્નને લઇને તા.૧૧ ફેબ્રુઆરીએ જિલ્લા કક્ષાએ ધરણા કરવામાં આવશે.

તા.૧૧ થી ૧૬ ફેબ્રુઆરી દરેક શિક્ષક કાળી પટ્ટી ધારણ કરી આંદોલન ચલાવશે. સ્થાનીક ધારાસભ્ય તેમજ સંસદ સભ્યને આવેદન પત્ર પાઠવશે. આ દિવસોમાં ૧પ અને ૧૬ ફેબ્રુઆરી તેમ - ર (બે) દિવસ ગાંધીનગર ખાતે ધરણા યોજી મુખ્યમંત્રીશ્રીને આવેદનપત્ર આપવામાં આવશે તેવુ ગુજરાત રાજય પ્રાથમીક શિક્ષક સંઘ દ્વારા જાહેર કરવામાં આવેલ છે.

પ્રાથમીક શિક્ષક સંઘના જણાવ્યા પ્રમાણે ૧૯૯૭ થી ફિકસ પગારી શિક્ષકોની સળંગ સિનીયોરીટી ગણવા બાબતે વારંવાર લેખીત રજુઆતો કરવામાં આવી છે. સરકારે ૧૬-૬-ર૦૦૬ના ઠરાવની નીતીથી ફિકસ કર્મચારીઓને ૧૮-૧-૧૭ના ઠરાવથી સળંગ સિનીયોરીટીનો લાભ આપવાનું જણાવ્યું હતું.

આ નિર્ણયથી ૧૯૯૭ થી ભરતી આજ દિન સુધી પ્રાથમીક શિક્ષકોની જે ભરતી થયેલ છે તેને લાભથી વંચીત રાખવામાં આવેલ છે. આ બાબતે છેલ્લા ઘણા સમયથી શિક્ષણ વિભાગમાં રજુઆત કરવા ઉપરાંત  આંદોલન ચલાવી રહયા છે. ત્યારે ફરી એક વાર ધરણા અને વિરોધ પ્રદર્શનનો કાર્યક્રમ રાખવામાં આવેલ છે.(૪.૯)

(3:48 pm IST)
  • અમદાવાદ: રૂપિયા 260 કરોડ ઓનલાઇન છેતરપીંડીનો મામલો :CIDએ વધુ એક ગુનામાં ભાર્ગવી શાહને તપાસ માટે મિર્ઝાપૂર કોર્ટેમાં ટ્રાન્સફર વોરંટથી અટકાયતની કરી માગ : કોર્ટે ભાર્ગવી શાહની અટકાયત માટેનો આદેશો આપ્યો access_time 12:23 am IST

  • ભાવનગર:મહુવા પંથકમાં દીપડાનો આતંક: એક જ દિવસમાં દીપડા દ્વારા બે હુમલા :માનવ પર હુમલો કર્યાના બે બનાવ :માલપરાની ઘટના બાદ લીલવણ ગામે હુમલો : ઘાયલોને હોસ્પિટલમાં સારવાર માટે ખસેડાયા access_time 9:31 pm IST

  • નમસ્કાર હું પ્રિયંકા ગાંધી વાડ્રા ,આપને મળવા લખનૌ આવી રહી છું :આપણે બધા મળીને નવી રાજનીતિની શરૂઆત કરશું : લખનૌમાં રોડ શો પહેલા પ્રિયંકા ગાંધીએ ઓડિયો મેસેજ મોકલ્યો :લખનૌમાં લોકસભા ચૂંટણી પ્રચારની શરૂઆત કરતા પ્રિયંકા ગાંધી સાથે જ્યોતિરાદિત્ય સિંધિયા સહિતના આગેવાનો જોડાશે :પ્રિયંકાએ 30 સેકન્ડમાં ઓડીઓ મેસેજમાં નવા ભવિષ્ય અને નવી રાજનીતિના નિર્માણનું આહવાન કર્યું :કોંગ્રેસ સાથે જોડાવવા અપીલ કરી access_time 1:24 am IST