Gujarati News

Gujarati News

News of Monday, 11th February 2019

મીઠાપુર આંગણવાડીમાં રાષ્ટ્રીય કૃમિ નાશક દિવસની ઉજવણી

મીઠાપુર : આંગણવાડી કેન્દ્ર પ૦ અને પર ના સંયુકત ઉપક્રમે રાષ્ટ્રીય કૃમિ નાશક દિવસની ઉજવણી કરવામાં આવી હતી. કૃમિના ઉપદ્રવને કારણે બાળકોમાં કુપોષણ અને લોહીની ઉણપ થાય છે જેના કારણે બાળકોને થાક જલ્દી લાગે છે. આ ઉપરાંત બાળકોનો સંપૂર્ણ શારીરિક અને માનસિક વિકાસ પૂર્ણપણે થતો નથી. તેથી આરોગ્ય અને પરિવાર કલ્યાણ વિભાગ જીલ્લા પંચાયત દેવભૂમિ દ્વારકા (ખંભાળીયા)ના માર્ગદર્શન હેઠળ આ કાર્યક્રમની ઉજવણી કરાઇ હતી. આ કૃમિ નાશક દિવસની ઉજવણીમાં સ્થાનિક સરકારી આરોગ્ય વિભાગના અધિકારીઓ, આંગણવાડીના અધિકારી, આંગણવાડી કેન્દ્રના બહેનો તેમજ આંગણવાડી કેન્દ્રના લાભાર્થી ઉપરાંત દ્વારકા તાલુકા પંચાયતના ન્યાય સમિતિના ચેરમેન શ્રી અશોકભાઇ અરજણભાઇ શ્રીમાળી તેમજ મીઠાપુર સુરજકરાડી મોબાઇલ એસોસીએશનના પ્રમુખ તથા અકિલાના એજન્ટ દિવ્યેશભાઇ જટણીયા ઉપસ્થિત રહ્યા હતાં. અધિકારીઓ દ્વારા બાળકો અને તેમના વાલીઓને કૃમિનાશક દવાઓ આપવા ઉપરાંત કૃમિાથી થતાં નુકશાન વિષે સમજ અપાઇ હતી. (૮.૪)

(11:48 am IST)
  • ભાવનગર:મહુવા પંથકમાં દીપડાનો આતંક: એક જ દિવસમાં દીપડા દ્વારા બે હુમલા :માનવ પર હુમલો કર્યાના બે બનાવ :માલપરાની ઘટના બાદ લીલવણ ગામે હુમલો : ઘાયલોને હોસ્પિટલમાં સારવાર માટે ખસેડાયા access_time 9:31 pm IST

  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST

  • સુરત:પાસ કન્વીનર અલ્પેશ કથીરીયાનો રાજદ્રોહ મામલે કાલે જામીન મેળવવા અંગે કોર્ટમાં થશે રીવીઝન અરજી પર સુનાવણી :સુરત કોર્ટે અલ્પેશના જામીન કર્યા હતા રદ્દ access_time 9:14 pm IST