Gujarati News

Gujarati News

News of Monday, 11th February 2019

ધ્રાંગધ્રાના મેથાણમાં એરંડા ખાધા બાદ આફરો ચડવાથી ૧૯ ગાયોના મોત

વઢવાણ તા. ૧૧ : ગત ચોમાસાની નિષ્ફળતાના પગલે સુરેન્દ્રનગર જિલ્લાના અનેક તાલુકા અછતની સ્થિતિનો સામનો કરી રહ્યા છે. તંત્રની નિષ્કાળજીના કારણે પશુધનને ઘાસચારાના સાંસા હોવાથી ખેતરમાં ઊભેલો મોલ ખાવા મજબૂર બને છે. આવા જ એક કારણસર ધ્રાંગધ્રા તાલુકાનાં મેથાણ ગામની સીમમાં ચરવા ગયેલી ગાયો ખેતરમાં એરંડા ખાઈ ગઇ હતી. જેમાં ૧૯ જેટલી ગાયોના શનિ-રવિ બે દિવસમાં મોત થયા હતા.મેથાણની સીમમાં ચરવા માટે ગયેલી ગાયોને ચરવા માટે કોઇ ખોરાક ન મળતા ઝેરી બી ખાવાથી આફરો ચડ્યો હતો અને મોત થયા હતા.  ઘાસચારાની વ્યવસ્થા ન કરતા પશુઓના મોત થતાં રોષ છવાયો છે. સીમમાંં ચરવાનુ નથી ઘાસચારાના ભાવ આસમાને છે. અને સરકાર દ્વારા યોગ્ય ઘાસચારાની વ્યવસ્થા ન કરતા ભૂખને લઈને ગાયો એરંડા ખાતા મોતને ભેટી હોવાનો આક્ષેપ ખેડૂત આગેવાન જે.કે.પટેલે કર્યો છે.(૨૧.૧૬)

(11:43 am IST)
  • મહેસાણા :પક્ષ પલટો કરનાર આશા પટેલ વિરુદ્ધ જનઆક્રોશ સભા :ઊંઝા પાલિકા ઉપપ્રમુખ ભવલેશ પટેલ દ્વારા કરાઈ જાહેરાત :ઊંઝાના પૂર્વ spg પ્રમુખ રહી ચૂક્યા છે ભવલેશ પટેલ :આશાબેન પટેલ વિરુદ્ધ કરવામાં આવશે જન આક્રોશ સભા - ભવલેશ પટેલ access_time 9:30 pm IST

  • સહારનપુરમાં લઠ્ઠાકાંડ બાદ મહિલાઓમાં આક્રોશ ભભૂક્યો :70થી વધુના ઝેરી દારૂ પીવાથી મોટ થતા ગામના મહિલાઓએ હાઇવે પે ચક્કાજામ કર્યો :તીન થાણા ક્ષેત્રના 16 ગામના 70થી વધુ લોકોના મોટ નિપજ્યા હતા :મહિલાઓ હાઇવે બાનમાં લીધો access_time 1:25 am IST

  • મહેસાણા : દૂધસાગર ડેરીએ સાગરદાણના ભાવમાં વધારો કર્યો :સાગરદાણના ભાવ ૧૧૦૦થી વધારીને ૧૧૫૦ કરાયા :૭૦ કિલોની સાગરદાણ બોરીમાં રૂ.૫૦નો ભાવવધારો કરાયો :ભાવ વધારો આજથી લાગુ થશે access_time 12:25 am IST