Gujarati News

Gujarati News

News of Monday, 11th February 2019

જેન્તી ભાનુશાલી હત્યા કેસ : રેલવે પોલીસની પકડ વોરન્ટની કોર્ટ કાર્યવાહી સામે છબીલ પટેલની આગોતરા જામીન અરજી

ભુજ તા. ૧૧ : જેન્તી ભાનુશાલી હત્યા કેસને એક મહિનો પૂરો થઈ ગયો છે. સીટની ટિમ દ્વારા છબીલ પટેલના બે ભાગીદારો રાહુલ અને નીતિન પટેલની ધરપકડ તેમ જ રિમાન્ડ બાદ તપાસ છબીલ પટેલ તરફ લંબાઈ છે. દરમ્યાન રેલવે પોલીસે છબીલ પટેલની ધરપકડ માટે ભચાઉ કોર્ટમાં કલમ ૭૦ હેઠળ પક્કડ વોરન્ટ માટે અરજી કરી છે. જે અંતર્ગત છબીલ પટેલ દેશમાં અથવા વિદેશમાં જયાં છુપાયા હોય ત્યાંથી તેમની ધરપકડ કરી શકાય.

છબીલ પટેલ વિદેશ માં અમેરિકા હોવાના તેમના પુત્ર સિદ્ઘાર્થ છબીલ પટેલના મીડિયા સમક્ષ નિવેદન બાદ પોલીસ તપાસમાં છબીલ મસ્કત હોવાનું ખુલ્યું હતું. જોકે, અનેક આઈએએસ ઓફિસરો સાથેની સીટની પોલીસ ટિમ ભલે છબીલ પટેલને શોધતી રહી પણ છબીલ પટેલ સોશ્યલ મીડીયા ઉપર સક્રિય હતા. તેમના મેસેજ પણ વાયરલ થયા અને મીડિયામાં ચર્ચાયા. ભચાઉ કોર્ટમાં રેલવે પોલીસ દ્વારા છબીલ પટેલની ધરપકડ માટેની કાર્યવાહી ને પગલે જો છબીલ પટેલ વિદેશ હોય તો પણ રેડ કોર્નર નોટિસનો માર્ગ મોકળો થઈ શકે છે અને ગુજરાત પોલીસ છબીલ સુધી પહોંચી શકે છે.

દરમિયાન પોલીસની કોર્ટ કાર્યવાહી સામે પોતાની ધરપકડ ટાળવા છબીલ પટેલે ગુજરાત હાઇકોર્ટમાં આગોતરા જમીન અરજી કરી હોવાનું જાણવા મળે છે. જોકે, સુનાવણીની તારીખ હજી નક્કી થઈ નથી. પણ, છબીલ પટેલ વતી હાઇકોર્ટમાં એડવોકેટ એસ. કે. પટેલ અને સિનિયર કાઉન્સિલ એ. વી. ઝાલાએ કાનૂની દોર સભાળ્યો છે.(૨૧.૧૩)

 

(11:26 am IST)
  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST

  • મહુવા સરાજાહેર લૂંટની ઘટના, કુબેરબાગ વિસ્તારમાં બનાવ, અંદાજે ૫.૫૦ લાખની લૂંટ, મહુવા શહેરભરમાં નાકાબંધી access_time 11:58 pm IST

  • સુરત ટેક્ષટાઇલ માર્કેટમાં વડાપ્રધાન નરેન્દ્રભાઈ મોદીના ફોટાની પ્રિન્ટ વાળી સાડી લોકોમાં આકર્ષણનું કેન્દ્ર :લોકસભા ચૂંટણી પહેલા મોદી સાડીએ મચાવી ધૂમ access_time 12:26 am IST