Gujarati News

Gujarati News

News of Monday, 11th January 2021

બગસરાના આઠ વર્ષના બાળકની વીજળી બચાવવા માટે અનેરી પ્રેરણા

(દર્શન ઠાકર દ્વારા)બગસરા તા.૧૧: હાલના સમયમાં રાજય સરકાર તથા સામાજિક સંગઠનો દ્વારા લોકોને પર્યાવરણના રક્ષણ અર્થે વીજળી બચાવવા માટે અનુરોધ કરવામાં આવે છે તેવા સમયે બગસરાના એક ૮ વર્ષના બાળકે રવિવારના દિવસે ઘરના તમામ સભ્યોને વીજળી બચાવવા માટે અનુરોધ કરી અન્યને પ્રેરણા પૂરી પાડી છે.

બગસરાના વિવેકાનંદ નગર શેરી નંબર ૩ માં વસવાટ કરતા વિપ્ર પરિવારના રિધ્ધીબેન અને આશિષભાઈ ત્રીવેદીના પુત્ર જૈમીન દ્વારા પોતાના માતા-પિતા સમક્ષ એક અલગ પ્રકારની માગણી મૂકી હતી જેમાં તેણે રવિવારના દિવસે સંપૂર્ણ દિવસ દરમિયાન કોઈપણ પ્રકારની વીજળીનો ઉપયોગ ન કરવા અને વીજળી બચાવવા માટે ઘરના દાદા-દાદી સહિતના તમામ સભ્યોને સમજાવ્યા હતા. આ વાત માત્ર કહેવા ખાતરની ન રહેતા જૈમીન દ્વારા સમગ્ર દિવસ દરમિયાન ઘરના સભ્યો પર ધ્યાન રાખવામાં આવ્યું હતું કે બીજા ધોરણમાં અભ્યાસ કરતા જૈમીનને પૂછવામાં આવતા તેણે પોતાની બાળ સહજ ભાષામાં જણાવ્યું હતું કે જાહેર માધ્યમો દ્વારા વારંવાર વીજળી બચાવવા માટે જણાવવામાં આવે છે આજે રજા ના દિવસે એ વિચારોને અમલમાં મૂકવાની ઇચ્છા થતાં ઘરના સભ્યોને આ માટે સમજાવ્યા હતા. બાળકને પર્યાવરણ બચાવવાની ભાવનાને ઘરના તમામ સભ્યોએ સહકાર આપી પૂરો દિવસ વીજળી વગર વિતાવવાનો નિર્ણય કરી બાળકને પ્રોત્સાહિત કર્યો હતો.

(1:23 pm IST)
  • વેકસીન સેન્ટરો ઉપર ખાસ ત્રણ રૂમોની વ્યવસ્થા : ૧૬ તારીખથી કોરોના વેકસીન અપાયા પછી કેટલોક સમય લોકોને નિરીક્ષણમાં રાખવામાં આવશે : તત્કાળ સારવારની સુવિધા : કોઇ સમસ્યા થશે તો તાત્કાલિક સારવાર અપાશે : વેકિસન સેન્ટર પર ત્રણ રૂમ તૈયાર કરાયા છે, વેઇટીંગ રૂમ, વેકિસન અને ઓબ્ઝર્વેશન રૂમ હશે : કોરોનાની વેકિસનેશનને લઇને મુખ્યમંત્રી વિજયભાઇ રૂપાણીની મહત્વની જાહેરાત access_time 11:46 am IST

  • આગામી થોડા મહિનાઓમાં 30 કરોડ લોકોને રસી આપવાનું આયોજન : વેક્સીન વિષે ફેલાતી ગેરસમજણ રોકવાની જવાબદારી રાજ્ય સરકારોની : શરૂઆતના 3 કરોડ નાગરિકોને વેક્સીન આપવાનો ખર્ચ કેન્દ્ર સરકાર ભોગવશે : કેરળ ,રાજસ્થાન ,હિમાચલ પ્રદેશ ,હરિયાણા ,મધ્ય પ્રદેશ ,યુ.પી. ,દિલ્હી ,ગુજરાત ,તથા મહારાષ્ટ્રમાં બર્ડ ફ્લૂની પુષ્ટિ : રાજ્યોના મુખ્યમંત્રીઓ સાથેની બેઠકમાં વડાપ્રધાન શ્રી નરેન્દ્ર મોદી access_time 5:31 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST