Gujarati News

Gujarati News

News of Monday, 11th January 2021

અમરેલી તોલમાપ વિભાગના જુનીયર તોલમાપ નિરીક્ષકે ૪ હજારની લાંચ માંગી

(અરવિંદ નિર્મળ દ્વારા) અમરેલી, તા. ૧૧ :. અમરેલીના નજીક લીલીયા રોડ પર લાલાવદર ગામે આવેલા નાગનાથ પેટ્રોલ પંપ સંચાલક પાસેથી અમરેલીના બહુમાળી ભવનમાં તોલમાપ વિભાગની કચેરીના જૂનીયર તોેલમાપ નિરીક્ષક ગૌરાંગ પ્રેમજીભાઈ જાંબુકીયાએ રૃા. ૪ હજારની લાંચ માંગી હતી. તોલમાપ વિભાગની કચેરી દ્વારા પેટ્રોલ પંપની વાર્ષિક આવક ચકાસણીમાં લીટરના માપ મુજબ વેંચાણ બરાબર છે કે નહીં ? તેનુ ચકાસણી પત્ર આપવા માટે એક નોઝલના રૃા. ૧ હજાર લેખે ૪ નોઝલના રૃા. ૪ હજાર લાંચ માંગવામાં આવી હતી.

પેટ્રોલ પંપના સંચાલકને તે મંજુર ન હોવાથી તેના દ્વારા અમરેલી એસીબી દ્વારા ફરીયાદ કરવામાં આવી હતી જેને પગલે એસીબી દ્વારા છટકુ ગોઠવવામાં આવ્યું હતું. જૂનીયર તોલમાપ નિરીક્ષક પેટ્રોલ પંપના સંચાલક પાસેથી માંગેલી રૃા. ૪ હજારની રકમ સ્વીકારતો હતો તે સમયે જ અમરેલી એસીબીની ટીમ દ્વારા તમે રંગે હાથે ઝડપી લેવામાં આવ્યો હતો. આરોપી સામે આગળની કાર્યવાહી હાથ ધરવામાં આવી છે. અમરેલીના તોલમાપ વિભાગના કર્મચારી દ્વારા શહેરમાં વેપારી પાસે મોટી રકમમાં હપ્તા લેવામાં આવતા હોવાની ઘણા સમયથી ફરીયાદો ઉઠવા પામી હતી

(1:06 pm IST)
  • ખેડૂત નેતાઓએ ૨૬ જાન્‍યુઆરીની પરેડમાં કોઈપણ અડચણ નહિં કરવા ખાત્રી આપી : સાથોસાથ દિલ્‍હીના રામલીલા મેદાનમાં ધરણા કરવા દેવા સુપ્રિમ કોર્ટ પાસે માંગણી કરી access_time 12:35 pm IST

  • બોરસદમાં પતંગની દોરીએ 7 વર્ષનાં બાળકનો ભોગ લીધો. સૂર્ય મંદીર રોડ પર પિતા સાથે બાઈક પર બેસીને જતા બાળકનું પતંગની દોરીથી ગળુ કપાયું access_time 9:09 pm IST

  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST