Gujarati News

 સુરેન્દ્રનગર તા.૧૧: જિલ્લાનાં પાટડી ગામે મામલતદાર કચેરીનાં સર્કલ ઇન્સ્પેકટરને એ.સી.બી.એ લાંચ લેતા રંગે હાથ ઝડપી લેતા ખળભળાટ મચી ગયો હતો.

આ બનાવની સત્તાવાર પ્રાપ્ત માહિતી મુજબ પાટડી મામલતદાર કચેરીમાં સર્કલ ઇન્સ્પેકટરની ફરજ બજાવતાં દજુભાઇ શીવાભાઇ જાદવે સાંથણીમાં મળેલ જમીન ખાતે કરાવવા ઇ-ધરામાં નોંધ પડાવવાં માટે રૂ. ૪ લાખની લાંચ માંગી હતી.

આથી અમદાવાદ એ.સી.બી. પોલીસે માંડલ રોડ ઉપર છટકું ગોઠવી અને સર્કલ ઇન્સ્પેકટર દજુભાઇ તથા અન્ય એક ખાનગી વ્યકિત અશોકભાઇ રતુભાઇ જાદવને રૂ. ૪ લાખની લાંચ લેતા રંગે હાથ ઝડપી લઇ ધોરણસરની કાર્યવાહી હાથ ધરી હતી.(૧.૮)