Gujarati News

Gujarati News

News of Tuesday, 10th December 2019

જ્ઞાતિવાદનો વિરોધ કરવા માટે

ઉના દલિતકાંડના પીડિત વશરામ સરવૈયાએ ફરી મૂંછ રાખીઃ 'તાવ' દેવાની મુવમેંટ ઉગ્ર બનશે

અમદાવાદ, તા.૧૦: વર્ષ ૨૦૧૬માં ઉનામાં મૂછ રાખવાના કારણે દલિતો પર અત્યાચારનો વિડીયો વાઈરલ થયો હતો. આ બાદ વશરામ સરવૈયા સમગ્ર દેશની તસવીર બની ગયો હતો. હવે સરવૈયાએ ફરી એકવાર સવર્ણો દ્વારા દલિતોને મૂછ ન રાખવા દેવા મામલે વિરોધ કરવા માટે ફરીથી મૂછ રાખી છે.

રવિવારથી સરવૈયાની નવી તસવીર વિશે સોશિયલ મીડિયામાં ચર્ચાઓ થઈ રહી છે. આ તસવીરમાં તે ડેનિમ અને જેકેટ સાથે દાઢી અને મૂછમાં જોવા મળી રહ્યો છે. ૨૦૧૬માં સરવૈયા અને તેના ભાઈઓને જાહેરમાં ઢોર માર મારવાનો વિડીયો અને ફોટો સામે આવ્યા બાદ સમગ્ર દેશના લોકો હચમચી ગયા હતા. ત્રણ વર્ષ બાદ સરવૈયાએ ફરીથી મૂછો રાખી છે. હાલમાં જ મહેસાણામાં સંજય પરમાર નામના વ્યકિતનો મૂછોને તાવ આપતો વિડીયો સામે આવ્યા બાદ તેના પર હુમલો અને ધમકી આપવાની દ્યટનાની વિરુદ્ઘમાં સમગ્ર દલિત સમાજ એકશનમાં આવ્યો છે.

સરવૈયાએ પોતાના ભાઈ રમેશ સાથે મૂછો બતાવા ફોટો પોસ્ટ કરીને લખ્યું છે, 'ઉનાથી મહેસાણા સુધી દલિતો પર અત્યાચારની ઘટનાઓ હજુ ચાલુ છે. અમને ઢોરની ચામડી કાઢવાના અમારા પરંપરાગત કામ દરમિયાન માર મારવામાં આવ્યો તો સંજયને મૂછ બતાવવા પર. આ બીજું કંઈ નહીં પરંતુ જાતિગત હિંસા છે. અમે બહાર આવીને એટ્રોસિટીનો વિરોધ કરવાનું નક્કી કર્યું છે.'

સરવૈયાએ જણાવ્યું કે, 'લ્ઘ્ કોમ્યુનિટીના લોકોને માત્ર મૂછો રાખવાના કારણે જ નહીં, પરંતુ સ્ટાઈલિશ શૂઝ, લાઈફ પાર્ટનર પસંદ કરવા અને લગ્ન વખતે ઘોડે ચઢવાના કારણે પણ ટાર્ગેટ કરવામાં આવી રહી છે. આ હવે બંધ થવું જોઈએ કારણ કે અમને પણ ઉચ્ચ જ્ઞાતિ જેટલો જ અધિકાર છે.'

વશરામના ભાઈ જીતુ સરવૈયા કહે છે, 'મૂછ રાખવાની અને તેને તાવ આપવાની મૂવમેન્ટ હજુ આક્રમક બનશે. મૂછો રાખવી તે કોઈના પૂર્વજોનો અધિકાર નથી. અમને ગમે તો અમે પણ તે કરી શકીએ. જેવી રીતે અમે ઈચ્છા મુજબ કંઈપણ પહેરી કે ખાઈ શકીએ છીએ.

(10:39 am IST)
  • અમેરિકાના જર્સી શહેરમાં ગોળીબાર ચાલુ : ઇમર્જન્સી એલર્ટ : બે ઓફિસરો ઘવાયાંના અહેવાલ :ન્યુ જર્સીમાં એક્ટિવ શૂટર સિચ્યુએશન : લોન્ગ ગન સાથે એક શખ્શ ફાયરિંગ કરી રહયો છે ન્યૂજર્સીના greenvilla વિસ્તારમાં 12 સ્કૂલો બંધ કરી દેવામાં આવી છે : ત્રીસેક મિનિટ પહેલાની ઘટના access_time 12:33 am IST

  • દેશમાં રોજગારીની કોઈ કમી નથી : નોટબંધી પછી બેરોજગારી વધ્યાના કોઈ ચિન્હ દેખાતા નથી : લોકસભામાં શ્રમ રોજગાર મંત્રી ગંગવાર ઉવાચ access_time 8:08 pm IST

  • જીજ્ઞેશ મેવાણીએ સ્ટેચ્યુ ઓફ યુનિટીને લગતા ખરડાની નકલ સળગાવી : સ્ટેચ્યુ સબંધી ઓથોરીટી રચવાનો કાયદો આદિવાસીઓની જમીન પડાવવા માટેનો હોવાનો આક્ષેપ : કાળો કાયદો ગણાવી વિધાનસભા સંકુલમાં અપક્ષ ધારાસભ્યએ કાંડી ચાંપી access_time 4:19 pm IST