Gujarati News

Gujarati News

News of Thursday, 10th October 2019

સતત મરી જવાનું રટણ કરતાં જયેશ મારૂએ બાબરા યાર્ડમાં ઝેર પીધું: રાજકોટમાં મોત

માતા-પિતા વિહોણો યુવાન મજૂરી કરી ગુજરાન ચલાવતો'તો

રાજકોટ તા. ૧૦: બાબરાના આંબેડકરનગરમાં રહેતાં જયેશ ડાયાભાઇ મારૂ (ઉ.૨૩) નામના યુવાને ગઇકાલે સાંજે ચારેક વાગ્યે બાબરા માર્કેટ યાર્ડમાં હતો ત્યારે ઝેરી દવા પી લેતાં સારવાર માટે રાજકોટ સિવિલ હોસ્પિટલમાં ખસેડાયો હતો. પરંતુ અહિ દમ તોડી દેતાં પરિવારમાં શોક છવાઇ ગયો હતો.

હોસ્પિટલ ચોકીના સ્ટાફે બાબરા પોલીસને જાણ કરી હતી. આપઘાત કરનાર જયેશ બે ભાઇમાં મોટો હતો અને યાર્ડમાં ગાડીઓમાંથી માલ ઉતારવાની મજૂરી કરતો હતો. તેના કાકાના કહેવા મુજબ કેટલાક સમયથી જયેશ જિંદગીથી કંટાળીને મરી જવાનું રટણ કરતો હતો. આઠ-દસ દિવસ પહેલા પણ તે ઝેરી પાવડર લઇ આવ્યો હતો  ત્યારે અમને ખબર પડી જતાં સમજાવ્યો હતો. ગઇકાલે  યાર્ડ અંદર અમે બધા ગાડી ઉતારતા હતાં ત્યારે તે દવા પી ગયો હતો. જયેશના માતા-પિતા હયાત નથી. બાબરા પોલીસે વધુ તપાસ હાથ ધરી છે.

(11:50 am IST)
  • ડેન્ગ્યુથી એક બાળકનુ મોતઃ તંત્ર અજાણ : શહેરમાં મચ્છરજન્ય રોગચાળો ડેન્ગ્યુ અને મેલેરીયાએ માઝા મુકી છે ત્યારે એક ૧૪ વર્ષનાં બાળકનું ડેન્ગ્યુને કારણે મોત થયાનું જાણવા મળ્યુ છે access_time 4:01 pm IST

  • ફાન્સથી પરત ફર્યા રક્ષામંત્રી રાજનાથસિંહ : શસ્ત્ર પૂજન અંગે આપ્યું નિવેદન : શસ્ત્ર પૂજા અંગે સવાલ ઉઠાવવો યોગ્ય નથી :કોંગ્રેસમાં પણ વિભાજન થયું હોવું જોઈએ :અમે એ કર્યું જે મને ઠીક લાગ્યું : આ મારો વિશ્વાસ છે કે એક સુપર પાવર છે અને બાળપણથી જ એવું માન્યું છે access_time 1:08 am IST

  • ચોકીદાર બનીને આવેલા લોકો તાનાશાહ બની ગયા : છત્તીસગઢના મુખ્યમંત્રી ભૂપેશ બધેલે ગાંધી વિચાર યાત્રાના સમાપન અવસરે કોઈનું નામ લીધા વિના ભાજપ અને સંઘ પર આકરા પ્રહાર કર્યા : બધેલે કહ્યું કે સામાજિક મૂલ્યોના તરફેણ અને ચોકીદાર બનીને આવેલા લોકો હવે તાનાશાહ બનીને સામે આવવા લાગ્યા છે access_time 1:17 am IST