Gujarati News

Gujarati News

News of Friday, 10th August 2018

ભાવનગરમાં આંતરિક ઝઘડામાં દેરાણીના ૧૬ દિ'ના પુત્રને જેઠાણીએ મારી નાખ્યો!

લગ્ન થયા ત્યારથી પોતે ગમતી ન હતી અને પુત્રનો જન્મ થયો તે પણ સારૂ લાગ્યું ન હોવાનું દેરાણી રવિનાબેનનું બ્યાનઃ અણગમાના લીધે યુવરાજનો ભોગ લેવાયો

ભાવનગરમાં માસુમની હત્યા : ભાવનગરમાં દેરાણી-જેઠાણીના ઝઘડામાં ૧૬ દિ'ના માસુમ બાળકની હત્યા થયાનો બનાવ બનવા પામ્યો છે. (તસ્વીરઃ મેઘના વિપુલ હિરાણી-ભાવનગર)

ભાવનગર, તા. ૧૦ : ભાવનગરમાં દેરાણી-જેઠાણીના ઝઘડામાં દેરાણીના ૧૬ દિવસના માસુમ પુત્રની જેઠાણીએ ઠંડા કલેજે હત્યા કર્યાનો બનાવ બનતા અરેરાટી સાથે ચકચાર મચી જવા પામી છે.

આ બનાવની વિગતો એવી છે કે શહેરના કુંભારવાડા વિસ્તારમાં આવેલ મારૂતીનગરમાં રહેતા અનિલભાઇ દિનેશભાઇ પરમારનો માત્ર ૧૬ દિવસનો પુત્ર યુવરાજ તેના ઘેર સુતો હતો ત્યારે ગુમ થયા બાદ તેની લાશ તેના જ ઘરમાં આવેલા પાણીના ટાંકામાંથી મળી આવતા ખળભળાટ મચી જવા પામ્યો હતો.

દરમ્યાન આ બનાવ અંગે મૃતક બાળક યુવરાજની માતા રવિનાબેન એ-ડીવીઝન પોલીસ સ્ટેશનમાં તેની જેઠાણી લીલાબેન જયેશભાઇ પરમાર વિરૂદ્ધ ફરીયાદ નોંધાવી જણાવ્યું હતું કે તેના લગ્ન થયા ત્યારથી તેઓ ઝઘડતા હોય અને હું તેઓને ગમતી ન હોય જેથી તેઓ બોલતા ન હતા. તેણીને દીકરાનો જન્મ થયો તે જેઠાણીને સારૂ લાગ્યું ન હતું. જેને કારણે ગત રાત્રે તેનો પુત્ર રડતો હોય તેઓ અને તેના પતિ આખી રાત જાગ્યા હતાં અને સવારે આંખ લાગી ગઇ હતી ત્યારે તેની જેઠાણીએ તેનો ૧૬ દિવસના પુત્ર યુવરાજને ઉપાડી પાણીના ટાંકામાં ફેંકી તેનું મોત નિપજાવ્યું છે. આ અંગે ડી-ડીવીઝન પોલીસે ગુન્હો નોંધી તપાસ હાથ ધરી છે. આમ દેરાણી-જેઠાણીના અણગમાને કારણે ૧૬ દિવસના માસુમ પુત્રનો ભોગ લેવાયો છે. આબનાવે ભારે ચકચાર જગાવી છે. (૮.૭)

(11:53 am IST)
  • વડાપ્રધાન નરેન્દ્રભાઈ મોદીએ ટ્વીટ કરીને તમામ વીર સપૂતોને યાદ કર્યા :અંગ્રેજોને ભારત છોડવા પર મજબુર કરતા આંદોલનના સુર 76 વર્ષ પહેલા આજના દિવસે છેડાયા હતા. આ ઐતહાસિક દિવસે પીએમ મોદીએ પણ ટ્વીટ કરી access_time 1:12 am IST

  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST

  • સ્વિત્ઝરલેન્ડમાં મુશળધાર વરસાદ : સૈમસન શહેરમાં પહાડ ફાટતા કાટમાળનું પૂર:અનેક મકાનો ઝપટમાં :કાટમાળ 50 ફૂટની ઉંચાઈ સુધી ઉછળ્યો:કાટમાળ સાથે કાદવ પણ ઉછળીને રસ્તા પર ફેલાઈ રહ્યો છે:કાટમાળનું પુર ત્રણથી 4 કિલોમીટર વહ્યું access_time 12:29 am IST