Gujarati News

અમરેલી :રાજુલાના માથાભારે શખ્શ શિવ ઉર્ફે શિવરાજને પાસામાં પુરી લેવાયો છે અને ગોધરા જેલમાં મોકલી અપાયો છે પોલીસ અધિક્ષક અમરેલી દ્વારા જીલ્લામાં અસામાજીક પ્રવૃતિ કરનાર ઇસમો ઉપર કડક હાથે કાર્યવાહી કરવા તેમજ શરીર-સબંધી ગુન્હાઓ કરવાની ટેવ વાળા અને ઘાતક હથિયારો સાથે નિર્દોષ નાગરીકો ઉપર દાદાગીરી કરનાર તથા ધાક-ધમકી આપી ઇજાઓ કરી જાહેર વ્યવસ્થા‍ ખોરવતા અને ભયનું સામ્રાજ્ય ફેલાવી આંતક મચાવતાં માથાભારે ઇસમો સામે પાસા-તડીપાર જેવા સખ્ત પગલા લઇ ગુન્હેગારોને કાયદાનું ભાન થાય અને અમરેલી જિલ્લાના નાગરીકોને સુખ શાંતિનો અહેસાસ થાય અને નિર્ભયપણે રહી શકે તે માટે પાસા-તડીપારના પ્રવર્તમાન કાયદાઓ હેઠળ કાર્યવાહી કરવા સુચના અને માર્ગદર્શન આપેલ હોય જે અન્વયે અમરેલી એલ.સી.બી. ઇન્ચાર્જ પોલીસ ઇન્સ. આર.કે.કરમટા તથા એલ.સી.બી. ટીમ દ્વારા અમરેલી જીલ્લામાં આવી ગુન્હાહિત તથા હિંસાત્મક પ્રવૃતિ કરતાં માથાભારે અને ભયજનક ઇસમો અંગેની માહિતી એકઠી કરી તે પૈકીના રાજુલામાં રહેતા શિવરાજ ઉર્ફે શિવા વાલાભાઇ ધાખડા વિરૂધ્ધા પુરતા પુરાવાઓ એકઠાં કરી, પાસા દરખાસ્તા તૈયાર કરી, પોલીસ અધિક્ષકશ્રી અમરેલી મારફતે જીલ્લા મેજીસ્ટ્રેટ અમરેલીનાઓ તરફ મોકલી આપતાં આવા ભયજનક વ્યક્તિની સમાજ વિરોધી અસામાજીક પ્રવૃતિ પર અંકુશ લાવવાનું જરૂરી જણાતાં જીલ્લા મેજીસ્ટ્રેરટ અમરેલીનાઓએ શિવરાજ ઉર્ફે શિવા વાલાભાઇ ધાખડા,(રહે.રાજુલા વાળા) વિરૂધ્ધ પાસાનું વોરંટ ઇસ્યુ કરતાં પોલીસ અધિક્ષક નિર્લિપ્ત રાયની સુચના મુજબ એલ.સી.બી. ઇન્ચાર્જ પો.ઇન્સ આર.કે.કરમટા તથા એલ.સી.બી. સ્ટાફે શિવરાજ ઉર્ફે શિવા વાલાભાઇ ધાખડા,(રહે.રાજુલા વાળા)ને અમરેલી મુકામેથી પકડી પાડી પાસા વોરંટની બજવણી કરી, પુરતા પોલીસ જાપ્તા સાથે ગોધરા સબ જેલ ખાતે અટકાયતમાં રહેવા સારૂ મોકલી આપવા તજવીજ કરેલ છે.

કુખ્યાત આરોપી શિવરાજ ઉર્ફે શિવા વાલાભાઇ ધાખડાનો ગુન્હાહિત ઇતિહાસ

શિવરાજ ઉર્ફે શિવા વાલા ધાખડા, રહે.રાજુલા વાળા વિરૂધ્ધ માં છેલ્લા ત્રણ વર્ષમાં નીચે મુજબના ગુન્હાઓ રજી. થયેલ છે.

(૧) રાજુલામાં ફટાકડાની દુકાનમાંથી રોકડ રકમ તથા વીંટીની લુંટ (ર) રાજુલામાં છેડતી તથા મારા-મારી (૩) રાજુલામાં ખુનની કોશીશ તથા ગુનાહિત ધમકી. (૪) સાવરકુંડલા થી અમરેલી રોડ ઉપર ફાયરીંગ તથા ખુનની કોશીશ વિગેરે મળી કુલ-૨૧ જેટલા ગુન્હાઓ આરોપી શિવા ધાખડા વિરૂધ્ઘ અલગ-અલગ પોલીસ સ્ટેશનોમાં નોંધાયેલ છે.

આમ, પોતાની દાદાગીરી, ધાક ધમકી, હથિયારો બતાવી હિંસાત્મક પ્રવૃતિ કરતાં અને ગુન્હાહિત ઇતિહાસ ધરાવતાં ઇસમ સામે પાસા તળે કાર્યવાહી કરી જેલ હવાલે કરી અને આવા અસામાજીક પ્રવૃતિ કરતાં ઇસમો સામે ચેતવણીરૂપ કામગીરી કરેલ છે.

ઉપરોકત કામગીરી અમરેલી એલ.સી.બી. ઇન્ચાર્જ પોલીસ ઇન્સ..આર.કે.કરમટા તથા એલ.સી.બી. સ્ટાફ દ્વારા કરવામાં આવેલ છે