Gujarati News

Gujarati News

News of Friday, 10th August 2018

ગાંધીનગર બેઠા-બેઠા નીતિન પટેલ કંઇ કરતા નથીઃ વિસાવદર તાલુકા ભાજપ પ્રમુખ હરિ રિબડીયાની ઓડિયો ક્લીપ વાયરલ થતા રાજકીય ખળભળાટ

જૂનાગઢઃ વિસાવદર તાલુકા ભાજપ પ્રમુખ હરિ રિબડીયાની એક ઓડિયો ક્લીપ વાયરલ થઈ છે. જેમાં હરિ રિબડીયા પોતે સર્વે સર્વા હોય એમ શેખી મારી રહ્યાં છે. એટલું નહીં પૂર્વ મંત્રી અને નાયબ મુખ્યમંત્રી વિરૂદ્ધ હરિ રિબડીયાએ ટિપ્પણી કરતા રાજકીય ખળભળાટ મચ્યો છે.

ક્લીપમાં હરી રિબડીયા જણાવે છે કે, વિસાવદરનો દાયકા જૂનો બાયપાસનો પ્રશ્ન પોતે સોલ્વ કરાવ્યો હતો. કનુભાઈ કેટલીય વાર ગાંધીનગર જઈ આવ્યા છતા પણ કંઈ થયુ નહીં. એટલું નહીં ઓડિયો ક્લીપમાં હરિ રિબડીયા નાયબ મુખ્યમંત્રી નીતિન પટેલ વિરૂદ્ધ ટિપ્પણી કરતા કહે છે કે, ગાંધીનગર બેઠા બેઠા નીતિન પટેલ પણ કંઈ કરતા નથી.
જો કે, હરિ રિબડીયાએ ક્લીપમાં જે શબ્દોનો પ્રયોગ કર્યો છે કે તે શબ્દો અહીં વર્ણવી શકાય તેમ નથી. પરંતુ તેઓ એવી શેખી મારી રહ્યાં છે કે જાણે સર્વે સર્વા તેઓ પોતે હોય. તેમના દ્વારા તમામ કામ પાર પડી રહ્યાં છે. ઉલ્લેખનીય છે કે, હરિ રિબડીયા જૂનાગઢ  જિલ્લા ભાજપ પ્રમુખ કિરીટ પટેલના કૌટુંબિક સસરા થતા હોવાથી તંત્રને દબાવાનો પ્રયાસ કરે છે.

(6:15 pm IST)
  • અમદાવાદમાં NCBએ CTM વિસ્તારમાંથી 1.5 કરોડનું કોકેઇન ડ્રગ્સ ઝડપ્યું :273 ગ્રામ કોકેઈન સાથે નાઇઝીરિયન શખ્સની ધરપકડ:ડ્રગ્સ મુંબઈથી અમદાવાદ વેચવા લાવ્યો હોવાનું પ્રાથમિક તપાસમાં ખુલ્યું access_time 7:32 pm IST

  • વડોદરામાં ચાંદીનો મોટો જથ્થો પકડાયો :નવાપુરા પોલીસે પકડયો જથ્થો :100 કિલો ચાંદીનો જથ્થો: કારમાં ચાંદી લઈને જતા બે શખ્સોની પોલીસે કરી અટકાયત :બંને શખ્સોની પુછપરછ : મોટી માત્રામાં ચાંદીનો જથ્થો પકડાતા વિવિધ એજન્સી કામે લાગી access_time 10:48 pm IST

  • સરકારની પગારમાં બેધારી નીતીથી શિક્ષકો નારાજ:ગ્રાન્ટેડ શાળાના શિક્ષણ સહાયકો અને સરકારી શિક્ષણ સહાયકોને મળતા પગારમાં ભેદ:ગ્રાન્ટેડ શાળાના શિક્ષકોને સાતમા પગાર પંચનો તફાવત ત્રણ હપ્તામાં આપવા અંગે માંગ:ગુજરાત રાજ્ય ઉચ્ચતર માધ્યમિક શિક્ષક સંઘ મહા મંડળ ની ચીમકી access_time 1:17 am IST