Gujarati News

Gujarati News

News of Friday, 10th August 2018

જામનગર, ધ્રોલ, જોડીયા, જાંબુડામાં લાંબા વિરામ બાદ વરસાદનું આગમનઃ જો કે, મેઘરાજા માત્ર ઝાપટારૂપે વરસ્યા

જામનગરઃ જીલ્લામાં ફરી મેઘરાજા મહેરબાન થયા છે. જીલ્લાના જાંબુડા, ધ્રોલમાં અને જોડીયામાં વરસાદી ઝાપટા પડ્યા છે. વહેલી સવારથી વરસાદ આવતા ખેડૂતોમાં ખુશીનો માહોલ જોવા મળ્યો છે. મહત્વનુ છે કે, લાંબા સમયથી વરસાદે વિરામ લીધો હતો. જીલ્લામાં ઓછા વરસાદના કારણે ખેડૂતો પરેશાન થયા હતા. ત્યારે હવે ફરી વરસાદ આવતા ધરતીપુત્રોમાં ખુશીનો માહોલ જોવા મળ્યો છે.
આગામી 24 કલાકમાં ભારે વરસાદની આગાહી 
રાજ્યના અનેક જિલ્લામાં વરસાદનું આગમન થયું છે, ત્યારે આગામી 24 કલાકમાં ભારે વરસાદની આગાહી કરાઈ છે. હવામાન વિભાગના જણાવ્યા પ્રમાણે, આગામી 24 કલાકમાં દક્ષિણ ગુજરાત અને સૌરાષ્ટ્રમાં ભારે પડવાની સંભાવના છે. દક્ષિણમાં ખાસ કરીને ડાંગ, તાપી અને નવસારીમાં ભારે વરસાદ પડી શકે છે.
તરફ સુરેન્દ્રનગરમાં પણ ભારે વરસાદ પડે તેવી શક્યતા છે. વરસાદના આગમનના કારણે ખેડૂતોમાં ખુશીનો માહોલ જોવા મળી રહ્યો છે. કારણ કે, વરસાદના લાંબા વિરામના કારણે પાક સુકાઈ રહ્યો હતો. પરંતુ વરસાદના આગમનથી ફરી લીલોતરી છવાઈ ગઈ છે.

(6:12 pm IST)
  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • સ્વિત્ઝરલેન્ડમાં મુશળધાર વરસાદ : સૈમસન શહેરમાં પહાડ ફાટતા કાટમાળનું પૂર:અનેક મકાનો ઝપટમાં :કાટમાળ 50 ફૂટની ઉંચાઈ સુધી ઉછળ્યો:કાટમાળ સાથે કાદવ પણ ઉછળીને રસ્તા પર ફેલાઈ રહ્યો છે:કાટમાળનું પુર ત્રણથી 4 કિલોમીટર વહ્યું access_time 12:29 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST