Gujarati News

Gujarati News

News of Tuesday, 10th July 2018

ગોંડલ પાસે બોરમાં ફસાયેલ બાળાની હત્યાની શંકા

૨૦ કલાકની જહેમત બાદ બાળા વર્ષાનો મૃતદેહ બહાર કઢાયો : ફોરેન્સીક પી.એમ. રીપોર્ટ આવ્યા બાદ મોતનું સાચુ કારણ બહાર આવશે

ગોંડલ તા. ૯ : ગોંડલ રાજકોટ નેશનલ હાઈવે બીલયાળા ગામના પાટિયા પાસે આવેલ જીનીંગ મીલની ફેકટરીના બોર માં ફસાયેલ બાળકીના મૃતદેહને ૨૦ કલાકની જહેમત બાદ બહાર કાઢવામાં આવ્યો હતો અને પીએમ માટે ફોરેન્સિક લેબ માટે રાજકોટ ખસેડાયો હતો.

પ્રાપ્ત વિગતો મુજબ ભાલારા જીનિંગ માંથી ત્રણ દિવસ પહેલા ત્રણ વર્ષની બાલુભાઇ ચૌહાણ ની પુત્રી વર્ષા નું અપરણ થયાની ફરિયાદ નોંધાઈ હતી બાદમાં ખુલ્લા બોર માંથી દુર્ગંધ આવતા તેમાં બાળકીનો મૃતદેહ હોવાનું બહાર આવ્યું હતું, પોલીસ,નગરપાલિકા ફાયર ટીમ, જેસીબી હિટાચી મશીન ચાલકો તેમજ માનવ સેવા ટ્રસ્ટ ની ૨૦ કલાકની જહેમત બાદ બાળકીના મૃતદેહને બોર માંથી બહાર કાઢવામાં સફળતા મળી હતી.

બાળકીનો મૃતદેહ બોર મા ઊંધે માથે હોય અને તેના પર આશરે ચાર પાંચ ફૂટનું લોખંડનું એંગલ હોય પોલીસને હત્યાની શંકા ઉદ્ભવી છે આ અંગે ણૂષ્ટજ્ઞ્ વી આર વાણીયા એ તપાસ હાથ ધરી છે. બાળકીએ માત્ર ગંજી જેવુ એક ટીશર્ટ જ પહેરેલું હતું, પ્રથમ દ્રષ્ટિએ બાળકીના શરીર પર કોઈ ઘા ના નિશાન જોવા મળ્યા ન હતા સત્ય હકીકત ફોરેન્સિક લેબ ના રિપોર્ટ બાદ જ બહાર આવશે.

દરમિયાન સી.પી.આઈ વી આર વાણીયા એ જણાવ્યું હતું કે બાકીના ગુમ થવા અંગે પહેલેથી જ શંકા-કુશંકા જાગી રહી હતી ના કર્મચારીઓ દ્વારા સતત જણાવવામાં આવી રહ્યું છે કે સબમર્સીબલ બહાર કાઢ્યા બાદ મોઢું બંધ કરવામાં આવ્યું હતું બંધ કરાયું હોય તો બાળકી અંદર કઈ રીતે પ્રવેશે તે મોટો પ્રશ્ન છે આ અંગે ઝીણવટથી તપાસ હાથ ધરાશે. તપાસનીશ પી.એસ.આઇ. મીઠાપરાએ જણાવ્યું હતું કે, ફોરેન્સીક પી.એમ. રીપોર્ટ આવ્યા બાદ મોતનું સાચુ કારણ જાણવા મળશે.(૨૧.૧૬)

(11:29 am IST)
  • વડોદરા ડાયમંડ ઇન્ફ્રાસ્ટ્રક્ચર ૨૬૪૫ કરોડનું બેન્કો સાથે કૌભાંડનો મામલો સીબીઆઇ કોર્ટમાં આરોપી નિવૃત ડીજીએમ પી. કે. શ્રીવાસ્તવ અને એજીએમ વી.વી. અગ્નીહોત્રીને કોર્ટમાં રજૂ કર્યાઃ સીબીઆઇ દ્વારા ધારાના રિમાન્ડની માગણી ન કારાઇઃ કોર્ટે બન્નેને જ્યુડિશિયલ કસ્ટડીમાં મોકલવાનો કર્યો આદેશ access_time 5:04 pm IST

  • સાયક્લોનિક સર્ક્યુલેશન પૂર્વ મધ્યપ્રદેશ તથા તેને સંલગ્ન છતીસગઢના વિસ્તારો પર છવાયેલું: રાજસ્થાન ઉપરથી એક ચોમાસાની ધરી પસાર :આગામી ચારથી પાંચ દિવસ ગુજરાતમાં વરસાદના ઉજળા સંજોગો :દક્ષિણ ગુજરાત અને સૌરાષ્ટ્રના કેટલાક ભાગોમાં અતિભારે વરસાદની શક્યતા access_time 11:15 pm IST

  • શુક્રવારે બંગાળની ખાડીમાં લો પ્રેશર સર્જાવાની શક્યતા:એમપી અને ગુજરાત તરફ આગળ વધશે : આગામી પાંચ દિવસ ભારે વરસાદની આગાહી: રાજ્યમાં તંત્રને એલર્ટ કરાયું :તમામ વિભાગોને સ્ટેન્ડ બાય રહેવાની સૂચના access_time 11:15 pm IST