Gujarati News

Gujarati News

News of Monday, 10th May 2021

હળવદમાં આંશિક લોકડાઉનમાંથી ખાણીપીણીના ધંધાર્થીઓને મુકિત

વેપારી મહામંડળ અને ચેમ્બર ઓફ કોમર્સની મળેલ બેઠકમાં લેવાયો નિર્ણય

(દીપક જાની દ્વારા),તા.૧૦: કોરોનાની ચેઈન તોડવા માટે થઈને હળવદમાં પાછલા ૨૫ દિવસથી આંશિક લોકડાઉન જાહેર કરવામાં આવ્યું છે. તે દરમિયાન વચ્ચે પાંચ દિવસનું તો સંપૂર્ણ લોકડાઉન કરવામાં આવ્યું હતું. જોકે, હળવદમાં મોટાભાગની દુકાનો આંશિક લોકડાઉન હોવાને કારણે બપોરે બે વાગ્યા બાદ બંધ રહે છે.

પરંતુ ખાણીપીણીના ધંધાર્થીઓને બપોર બાદનો જ ધંધો હોય જેથી તેઓને તો આ ૨૫ દિવસ સંપૂર્ણ લોકબોલીમાં જ નીકળ્યા છે. જેથી, આજે વેપારી મહામંડળ અને ચેમ્બર ઓફ કોમર્સ દ્વારા બોલાવાયેલી બેઠકમાં નક્કી કરવામાં આવ્યું છે કે હળવદ શહેરના તમામ ખાણીપીણીના ધંધાર્થીઓ આંશિક લોકડાઉનમાંથી મુકિત આપવામાં આવી છે. જેથી આવતીકાલે એટલે કે સોમવારથી શહેરમાં ખાણીપીણીની દુકાનો અને લારીઓ દિવસ દરમિયાન ખુલ્લી રહેશે.

હળવદ વેપારી મહામંડળના પ્રમુખ વિનુભાઇ પટેલએ જણાવ્યું હતું કે, હળવદ શહેરમાં મોટાભાગના ખાણીપીણીના ધંધાર્થીઓ મધ્યમવર્ગ પરિવારના હોય જેથી સ્વેછીક આંશિક લોકડાઉન દરમિયાન તેઓને તો સંપૂર્ણ ધંધો જ બંધ રાખવાની ફરજ પડી હતી. જેથી તેઓને તેમના પરિવારનું ગુજરાન ચલાવું પણ મુશ્કેલ હોય જેથી આજે ચેમ્બર ઓફ કોમર્સ અને વેપારી મહામંડળ દ્વારા ખાણીપીણીના ધંધાર્થીઓને આંશિક લોકડાઉનમાંથી મુકિત આપવામાં આવી છે. સાથે જ આટલા દિવસ સાથ સહકાર આપ્યો તે બદલ આભાર પણ વ્યકત કર્યો હતો. હળવદ ચેમ્બર ઓફ કોમર્સના પ્રમુખ એ જણાવ્યું હતું કે આજે ખાણીપીણીના ધંધાર્થીઓ આંશિક લોકડાઉનમાંથી મુકત કરાયા છે. હાલ હળવદમાં કોરોનાની પરિસ્થિતિ પણ સુધારા પર છે. જેથી, આવતા દિવસોમાં સ્થિતિનું નિરિક્ષણ કર્યા બાદ શહેરમાં અડધા દિવસનું લાગેલ સ્વેછીક લોકડાઉન હટાવવામાં આવશે. સાથે જ ખાણીપીણીના ધંધાર્થીઓએ પણ પોતાની લારીએ કે દુકાને લોકોની ભીડ ન થાય અને બની શકે તો પાર્સલ સુવિધા ઉપર વધુ ધ્યાન આપવા પણ અપીલ કરાઇ છે.

(11:08 am IST)
  • પશ્ચિમ બંગાળ વિરોધ પક્ષના નેતા તરીકે શુભેન્દુ અધિકારીની નિમણુંક : મમતા બેનર્જીને નંદીગ્રામ બેઠક ઉપરથી 1900 મતે હરાવવાનું ઇનામ : એક સમયના મમતા બેનર્જીના નિકટના સાથીદાર હવે સૌથી મોટા વિરોધ પક્ષ ભાજપના નેતા બન્યા access_time 6:49 pm IST

  • આસામ : મુખ્યમંત્રી તરીકે શપથ લેતા પહેલા હિમાંતા બિસ્વા શર્મા મંદિરે પહોંચ્યા : કામાખ્યા મંદિરમાં શીશ ઝુકાવી દર્શન કર્યા : આજરોજ આસામના 15 માં મુખ્યમંત્રી તરીકે શપથ લેશે : અન્ય 13 મંત્રીઓની પણ શપથવિધિ કરાશે access_time 12:11 pm IST

  • કોરોનાથી રાજકોટ શહેરમાં આજે થોડી રાહત વર્તાઈ અને ગ્રામ્ય વિસ્તારમાં કોરોનાએ જબરો ફુફાડો માર્યો : આજે સાંજ સુધીમાં રાજકોટ શહેરમાં 351 અને ગ્રામ્યના અધધધ 395 કેસ સાથે કુલ 746 નવા કોરોના ના કેસ નોંધાયા access_time 7:49 pm IST