Gujarati News

Gujarati News

News of Saturday, 10th April 2021

ઉપરીયાળા ગામે ખેતરમાં રોટરવિટર ચાલકના મોત બાદ માલિકે હેબતાઇ જઇને આપઘાત કર્યો

પરિવારને શું જવાબ દઇશ ? તેવી બીકથી ટ્રેન નીચે પડતું મુકયું : પાટડી પંથકની કરૂણ ઘટના

વઢવાણ,તા. ૧૦: સુરેન્દ્રનગર જીલ્લાના ગ્રામ્ય વિસ્તારોમાં અકસ્માત તેમજ અકસ્માતે મોતના બનાવો વધી રહ્યાં છે ત્યારે ૫ાટડી તાલુકાના ઉપરીયાળા ગામની સીમમાં આવેલ ખેતરમાં કામ કરતાં ખેડુતનું અગમ્ય કારણોસર ટ્રેકટર પાછળ જોડેલ રોટરવીટરમાં આવી જતાં ગંભીર ઈજાઓ પહોંચતાં મોત નીપજયું હતું જે અંગેની જાણ મૃતકના પરિવારજનોએ પોલીસને કરી હતી. બાદમાં ખેતરના માલિકને યુવાનના મોતથી હેબતાઈ જઈને પરિવારને શું જવાબ દેશે તેવા ડરથી પોતાના ગામ નજીક ટ્રેન નીચે પડતું મુકીને આપઘાત કરી લીધો હતો.

માહિતી મુજબ ઉપરીયાળા ગામે ઠાકોરવાસમાં રહેતાં અમૃતભાઈ બચુભાઈ ઉઘરોજા ઉ.વ.૪૦વાળા ઉપરીયાળા ગામની સીમ જમીનમાં સૈયદવાળા તરીકે ઓળખાતા ગણેશભાઈ હિરાભાઈના ખેતરમાં એરંડાનું વાવેતર કરેલ તે એરંડા પાડવા રોટરવીટર ટ્રેકટર સાથે જોડીને ગયા હતાં તે દરમ્યાન અગમ્ય કારણોસર રોટરવીટરમાં આવી જતાં અચાનક અકસ્માત થવાથી માથામાં તથા ચહેરા પર અને હાથેપગે ગંભીર ઈજાઓ પહોંચતાં મોત નીપજયું હતું. જે અંગની જાણ મૃતકના ભાઈ મહેશભાઈ ઉઘરોજાએ પાટડી પોલીસ મથકે કરતાં પોલીસે વધુ તપાસ હાથધરી હતી.

ખેતરમાં ટ્રેકટરના રોટર નીચે આવી જતાં આવી ગયેલા વ્યકિતના દ્રશ્યો નિહાળી ખેતરના માલિકે ગણેશભાઈ હિરાભાઈ ઉપરાળીયાએ હેબતાઈ જઈને પરિવારને શું જવાબ દેશે તેવા ડરથી ઉપરયાળી ગામમાં પસાર થતી ટ્રેન નીચે પડતું મુકીને આપઘાત કરી લેતાં પંથકમાં ચકચાર મચી જવા પામી છે. વિરમગામ પોલીસે ગુનો નોંધી વધુ તપાસ હાથ ધરી છે.

(11:50 am IST)
  • કોરોનાનો કહેર વધતા ઈરાનમાં 10 દિવસનું લોકડાઉન જાહેર: ઓફિસમાં તેના ત્રીજા ભાગના કર્મચારીઓની હાજરીનો આદેશ: તેહરાન અને દેશના 250 અન્ય શહેરો અને નગરોને ‘રેડ ઝોન’ તરીકે ઘોષિત કરાયા : તમામ ઉદ્યાનો, રેસ્ટોરાં, બેકરીઓ, બ્યુટી પાર્લરો અને મોલ્સ પણ લોકડાઉન હેઠળ આવશે.: શનિવારે ઈરાનમાં 19,600 થી વધુ નવા કેસ નોંધાયા : 193 દર્દીઓનાં મોત નીપજ્યાં access_time 12:56 am IST

  • ખોડલધામ પ્રમુખ અને પાટીદાર અગ્રણી નરેશ પટેલ અને તેમના પત્ની થયા કોરોના સંક્રમિત : દંપત્તિ હાલ હોમ આઈસોલેશનમાં રખાયા : બન્ને ને સામાન્ય લક્ષણો દેખાતા ઘરે જ સારવાર અપાય રહ્યાનું જાણવા મળે છે. access_time 6:41 pm IST

  • રાજકોટની પંચનાથ હોસ્પિટલમાં આવતીકાલે સીટીસ્કેન અને લેબોરેટરી વિભાગ ચાલુ રહેશે : કોરોનાની મહામારીને પગલે દર્દીઓ હેરાન ન થાય અને સુવિધાઓ મળી રહે તે માટે પંચનાથ હોસ્પિટલમાં આવતીકાલે સીટી સ્કેન વિભાગ અને હોસ્પિટલ વિભાગ ચાલુ રહેશે તેમ દેવાંગ માંકડે જણાવ્યુ છે. access_time 4:27 pm IST