Gujarati News

Gujarati News

News of Saturday, 10th April 2021

કોરોના સંક્રમણ વધતા આરોગ્ય સચિવ સુરેન્દ્રનગરની મુલાકાતે

રાજકોટ તાલુકાઓમાં ૬૦ થી વધુ પોઝીટીવ કેસો નોંધાઇ રહ્યા છે : કોવિડ હોસ્પિટલો, દવાઓ, બેડ સહિતની બાબતો અંગે ચર્ચા : લોકોને એલર્ટ કર્યા

વઢવાણ,તા. ૧૦: સુરેન્દ્રનગર શહેરી અને ગ્રામ્ય વિસ્તારોમાં પણ કોરોના વાયરસનું સંક્રમણ ખુબ જ વધ્યું છે ત્યારે સુરેન્દ્રનગર જીલ્લામાં કોરોનાની પરિસ્થિતિને ધ્યાને લઈ તથા જીલ્લાની સ્થિતિનો તાગ મેળવવા રાજય સરકાર દ્વારા જીલ્લા મુજબ અલગ-અલગ આરોગ્ય સચીવને જવાબદારી સોંપી છે ત્યારે સુરેન્દ્રનગર જીલ્લાના આરોગ્ય સચીવ રાકેશ શંકરે મુલાકાત લીધી હતી.

માહિતી મુજબ સુરેન્દ્રનગર જીલ્લામાં તાલુકાઓમાં સરેરાશ દરરોજ અંદાજે ૬૦ થી વધુ પોઝીટીવ કેસો નોંધાઈ રહ્યાં છે ત્યારે જીલ્લાની કોવીડ હોસ્પીટલોમાં પણ બેડની સંખ્યાઓ ફુલ થઈ ચુકી છે અને આગામી દિવસોમાં જીલ્લામાં કોરોનાની સ્થિતિ ખુબ જ વણસે તેમ લાગી રહ્યું છે.

સચીવ રાકેશ શંકરે કોરોનાની પરિસ્થિતિનો તાગ મેળવવા જીલ્લાની મુલાકાત લીધી હતી જેમાં કોરોનાની પરિસ્થિતિ અંગે જીલ્લા કલેકટર કે.રાજેશ, પોલીસવડા મહેન્દ્ર બગડીયા, પ્રાંત અધિકારી, આરોગ્ય અધિકારી સહિતનાઓને સાથે બેઠક યોજી હતી અને જીલ્લામાં આવેલ કોવીડ હોસ્પીટલો તેમાં ઉપલબ્ધ સ્ટાફ, દવાઓ, સુવિધાઓ અંગ ચર્ચા વિચારણા કરી હતી અને શહેરની મુખ્ય બજારોમાં પણ ફરી પ્રજાજનોને સાવચેત કર્યા હતાં.

(11:39 am IST)
  • પશ્ચિમ બંગાળમાં ચોથા તબક્કાના મતદાન દરમિયાન કૂચબિહારમાં હિંસા ફાટી નીકળી : બીજેપી અને તૃણમૂલ કોંગ્રેસના કાર્યકરો વચ્ચે મારામારી : સુરક્ષાદળોની રાયફલ ખુંચવી લેવાનો પ્રયાસ થતા કરાયેલા ફાયરિંગથી 4 લોકોના મોત : આ અગાઉ મતદાન સમયે પ્રથમવાર મત આપવા આવેલા યુવાનની હત્યા કરી દેવાઈ હતી : કુલ પાંચ મોત : ચૂંટણી પંચે અહેવાલ માંગ્યો access_time 12:59 pm IST

  • નાગપુરની કોવિડ હોસ્પિટલમાં આગ લાગતા 4 દર્દીઓના મોત: મોડી રાતે હોસ્પિટલમાં લાગેલી આગ બાદ 27 દર્દીઓને તાત્કાલિક અન્ય હોસ્પિટલમાં ખસેડાયા :આમાંથી 10 દર્દીઓ આઈસીયુમાં પણ હતા. વેલ ટ્રીટ હોસ્પિટલ નાગપુરમાં આગ લાગી access_time 12:58 am IST

  • લુલુ ગ્રૂપના ડિરેક્ટર અને ભારતીય મૂળના ઉદ્યોગપતિ યુસુફ અલી એમ.એ.ને અબુધાબીના ક્રાઉન પ્રિન્સ દ્વારા સર્વોચ્ચ નાગરિક સન્માનથી સન્માનિત કરવામાં આવ્યા છે. યુસુફ અલી ઉપરાંત અન્ય 11 લોકોને પણ આ સન્માન આપવામાં આવ્યું છે. આ સન્માન તેમને તેમના સેવાભાવી કાર્યોને કારણે આપવામાં આવ્યું છે. access_time 11:26 pm IST