Gujarati News

પોરબંદરમાં માધવપુરમાં રૂક્ષ્‍મણી વિવાહ મહોત્સવને લઈ મેળો યોજાય છે. જોકે આ વખતે આ મેળાનું રાષ્ટ્રીય કક્ષાએ આયોજન થઈ રહ્યું છે. અને આ મેળામાં વડાપ્રધાન નરેન્દ્ર ભાઈ મોદી હાજરી આપે તેવી શક્યતાઓ વર્તાઈ છે. માધવપુર મેળાના આયોજનને લઈ તંત્રએ તૈયારીઓ શરૂ કરી છે. ત્યારે દરિયાઈ પટ્ટીમાંથી દબાણો દૂર કરવામાં આવી રહ્યા છે. જેને પગલે સ્થાનિકોમાં રોષ ફેલાયો છે. દબાણો દૂર કરવાની કાર્યવાહીને પગલે દરિયાઈ પટ્ટી પાસે વસતા લોકોની મુશ્કેલી વધી છે.