Gujarati News

Gujarati News

News of Saturday, 10th February 2018

સણોસરાના પટેલ તબીબનો યુવતી સાથે નિર્વસ્ત્ર હાલતમાં વિડીયો ઉતારી ૨૦ લાખ માંગ્યા

પતાવટ માટે કુંભણ ગામના ભગવાન નાનુભાઇ આલ, હણોલ ગામના રઘા નાનુભાઇ, યુવતિ અને અજાણ્યા શખ્સ સામે ગુન્હો

ભાવનગર તા. ૧૦ : ભાવનગર જિલ્લાના પટેલ તબીબનો યુવતી સાથે નિર્વસ્ત્ર હાલતે વિડીયો ઉતારી યુવતી અને બે શખસો સહિત ચાર શખ્સોએ રૂ. ૨૦ લાખની માંગણી બ્લેકમેઇલ શરૂ કરતા તબીબે પોલીસ ફરીયાદ નોંધાવતા ચકચાર મચી જવા પામી છે. બનાવની તપાસ એલસીબી પોલીસને આપવામાં આવી છે.

આ બનાવની મળતી વિગતો મુજબ ભાવનગર જિલ્લાના સણોસરા ખાતે રહેતા અને હોસ્પિટલ ધરાવતા પટેલ તબીબ તાલીતાણામાં રહેતી યુવતી સાથે કોઇ રીતે સંપર્કમાં આવ્યા હતા. ૪૭ વર્ષના આ તબીબને ગત તા. ૪થી મે બપોરે યુવતીએ પાલીતાણા બોલાવ્યા હતા અને તબીબ પાલીતાણા ગયા ત્યારે યુવતી તેને લીલાપીરની દરગાહ પાસે એક મકાનમાં લઇ ગઇ હતી અને તબીબનાં કપડા ઉતરાવી બાદમાં પોતે પણ કપડા ઉતારી નાખ્યા હતા. આ સમયે દરવાજામાંથી ત્રણ શખ્સો ઘુસી આવ્યા હતા. જે પૈકી કુંભણ ગામના ભગવાન નાનુભાઇ આલએ તબીબને ત્રણ લાફા માર્યા હતા. જ્યારે તબીબ અને યુવતીનું નિર્વસ્ત્ર હાલતમાં મોબાઇલમાં શુટીંગ ઉતારી હણોલ ગામના રઘા નાનુ અને ભગવાન અને એક અજાણ્યા શખ્સે ગાળો દઇ પતાવટ કરવી હોય તો રૂ. ૨૦ લાખની માંગણી કરી હતી. રકઝક બાદ આખરે તબીબે રૂ. સાડા અગીયાર લાખ આપવા તૈયાર થયા હતા. બાદમાં આ તબીબે પાલીતાણા ટાઉન પોલીસ સ્ટેશનમાં કુંભણ ગામના ભગવાન નાનુભાઇ આલ, હણોલ ગામના રઘા નાનુભાઇ તથા યુવતી અને એક અજાણ્યા શખ્સ વિરૂધ્ધ પૂર્વ આયોજીત કાવત્રુ રચી પૈસા પડાવવાના ઇરાદે તેનો વિડીયો ઉતારી ગાળો દઇ ધમકી આપ્યાની ફરીયાદ નોંધાવતા પોલીસે ગુન્હો નોંધી વધુ તપાસ ભાવનગર એલ.સી.બી.ને સોંપતા બનાવની તપાસ પો.સ.ઇ. એન.જી.જાડેજા તપાસ ચલાવી રહ્યા છે. આ બનાવે ભારે ચકચાર જગાવી છે.

(11:46 am IST)
  • મૈક્સિકોમાં ભૂકંપનો આંચકો : પશ્ચિમી પ્રશાંત કાંઠે 5,8ની તીવ્રતાનો ભૂકંપ : જલિસકો અને કોલીમાં રાજ્યની સીમા નજીક કિનારાથી 30 કી, મી, દૂર કેન્દ્રબિંદુ : નુકશાનના કોઈ અહેવાલ નથી access_time 9:22 am IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST