Gujarati News

Gujarati News

News of Saturday, 10th February 2018

ભુજઃ ડમી છાત્ર દ્વારા પરીક્ષા આપવાના કેસમાં બે સગીર છાત્રોને એક વર્ષની સજા

ભુજ તા. ૧૦ :.. ભુજ બોર્ડ પરીક્ષામાં ગેરરીતિ આચરનારા છાત્રોને દાખલારૂપ એવી કડક સજા ભુજ કોર્ટે ફટકારી છે. ગત જૂલાઇ ર૦૧પ માં ભુજની સેન્ટ ઝેવિયર્સ સ્કુલનાં સુપરવાઇઝરો રાજકુમાર અને પ્રકાશ ઠક્કરે ધોરણ ૧૦ ની બોર્ડ પરીક્ષામાં ડમી છાત્રને પરીક્ષા આપતો પકડી પાડયો હતો.

આ કિસ્સામાં હોલ ટિકીટ અને ફોટો બદલાવીને ગેરરીતિ આચરાઇ હતી. ભુજ બી. ડીવીઝન પોલીસમાં કેસ થયા બાદ આ અંગે ત્રીજા અધિક ચીફ જયુ. મેજી. વી. ડી. મોઢ સમક્ષ આ કેસની સુનાવણી થઇ હતી. જેમાં બન્ને સગીર છાત્રો જેણે પરીક્ષા આપી તે ડમી અને જે મુળ છાત્ર તો હતો તે એ બન્ને ને ભારતીય દંડ સહિતાની કલમ ૪૧૯, ૧૧૪ મુજબ એક એક વર્ષની સાદી કેદ અને બે હજારનો દંડ કરાયો હતો. આ કેસમાં મદદનીશ સરકારી વકીલ ડી. એમ. પરમારે  દલીલો કરી હતી.

(11:33 am IST)
  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST