Gujarati News

Gujarati News

News of Saturday, 10th February 2018

વિપક્ષ નેતા પરેશ ધાનાણીના ગઢમાં ગાબડાની હેટ્રીક :હવે ટીંબી યાર્ડમાં ભાજપ બિનહરીફ

રાજુલા યાર્ડ,જાફરાબાદ નગરપાલિકા બાદ ટીંબીમાં ભાજપ બિનહરીફ થતા કાર્યકરોમાં ખુશીનું મોજું

અમરેલી : વિધાનસભાના વિપક્ષ નેતા પરેશ ધાનાણીના અમરેલી ગઢમાં ત્રીજી વખત ગાબડું પડ્યું છે. ટીંબી માર્કેટિંગ યાર્ડના ચેરમેન ચેતન શિયાળની બિનહરીફ વરણી થતા ભાજપના કાર્યકરોમાં ખુશીનું મોજું ફેલાયું છે અત્રે ઉલ્લેખનીય છે કે અમરેલી જિલ્લામાં છેલ્લા 8 દિવસથી ભાજપનો ભગવો લહેરાય રહ્યો છે.
   તાજેતરમાં રાજુલા માર્કેટિંગ યાર્ડના ચેરમેનની બિનહરીફ વરણી થયા બાદ જાફરાબાદ નગરપાલિકા ભાજપની બિનહરીફ વરણી અને ફરી જાફરાબાદ તાલુકાના ટીંબી માર્કેટિંગ યાર્ડના ચેરમેન તરીકે ચેતન શિયાળ,વાઇસ ચેરમેન તરીકે ગૌતમ વરૂની વરણી કરવામાં આવી છે. અમરેલી જિલ્લામાં રાજયના પૂર્વ સંસદીય સચિવ અને રાજુલા જાફરાબાદના પૂર્વ ધારાસભ્ય હીરા સોલંકી ના પ્રયાસથી ભાજપનો દબદબો જોવા મળી રહ્યો છે. 

    ટીબીમાં ભાજપના કાર્યકરો દ્વારા ફટાકડા ફોડી સન્માન કરી ખુશી વ્યક્ત કરી હતી આવનારા સમયમાં કોંગ્રેસ માટે સમય વધુ કપરો આવે તેવી શક્યતા જોવા મળી રહી છે 

(9:12 am IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • પંચમહાલના કાલોલમાં કેમીકલ છોડાતા પ્રદૂષણઃ વેજલપુરમાં બેરલમાંથી કેમીકલ ઢોળાતા લોકોની આંખોમાં બળતરા થવા લાગી હોવાની ફરીયાદ access_time 5:48 pm IST

  • ઓઈલ ચોરી પ્રકરણમાં કલોલના પીઆઈ સસ્પેન્ડઃ કલોલમાં ઓએનજીસી ઓઈલ ચોરીની ઘટનામાં બેદરકારી અંગે રેન્જ આઈજીએ કલોલ શહેરના પીઆઈ પ્રકાશ ચૌધરીને તાત્કાલીક અસરથી સસ્પેન્ડ કરાયા છે access_time 5:47 pm IST