Gujarati News

Gujarati News

News of Friday, 9th February 2018

ખંભાળિયામાં અંજનશાલાક મહોત્સવની ઉજવણીઃ વરઘોડામાં બહોળી હાજરી

ખંભાળિયા તા.૮: પાસેના આરાધના ધામ હાલાર તિર્થમાં જિનાલયના રજત જયંતિ સમારોહમાં અંજન શલાકા મહોત્સવની ઉજવણી કરવામાં આવી હતી.

જૈન શાસ્ત્ર પ્રમાણે પરમાત્મામાં પ્રાણ પુરક પ્રક્રિયા એટલે અંજન શલાકા તેવા ઉત્સવની ભવ્ય રીતે ઉજવણી કરવામાં આવી હતી. આ પ્રસંગના મુખ્ય દાતા તરીકે માતુશ્રી જેઠીબેન વૃજપાર શાહ પરિવારના શ્રીમતી અનીલાબેન કેશુભાઇ વૃજપાર શાહ, શીલ્પી પુનીલ કેશુભાઇ  શાહ તથા કિશન, જાનકી મૂળ રહેવાસી કનસુમરા હાલ લંડન વાળા ઉપસ્થિત રહ્યા હતા.

અંજન શલાકા વિધાનનો પ્રારંભ બાદ કારાના ચ્યવન કલ્યાણક, પારાના જન્મ વધાઇ, મામેરૂ, લગ્ન, દ્વારાના દીક્ષા કલ્યાણક વરઘોડો તથા  કેવળ જ્ઞાન  સાથે શુભ મુહૂર્તે પ્રતિષ્ઠા યોજાઇ હતી.

વરઘોડામાં મોટી સંખ્યામાં ભાવિકો જોડાયા હતા તથા સંપૂર્ણ સ્વદ્રવ્યથી દેરાસર બંધાવીને ભવ્યાતિભવ્ય અંજન શલાકા પ્રતિષ્ઠા મહોત્સવ પૂર્વક શુધ્ધ વિધિવિધાન કરાવી આ ભવ્ય પ્રસંગનો લાભ હજારો ભાવિકોએ મુનિઓની નિશ્રામાં લીધો હતો.

(11:39 am IST)
  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST