ગીરના જંગલમાં સફારીના 10 નંબરના રૂટ ઉપર મેટીંગ માટે સિંહએ સિંહણને મનાવી પરંતુ સિંહણએ ઉશ્‍કેરાઇને સિંહને પંજો મારી દીધો

News of Friday, 10th January 2020

ગીરના જંગલમાં સફારીના 10 નંબરના રૂટ ઉપર મેટીંગ માટે સિંહએ સિંહણને મનાવી પરંતુ સિંહણએ ઉશ્‍કેરાઇને સિંહને પંજો મારી દીધો

અમદાવાદ :એશિયાનું સૌથી ફેમસ ગીર જંગલમાંથી સિંહોના અનેક વીડિયો સામે આવતા રહે છે. લોકોને સિંહોની દરેક ગતિવિધીમાં એટલો રસ હોય છે કે, આ વીડિયો વાયરલ થતા પણ વાર લાગતી નથી. ત્યારે આવામાં સિંહ અને સિંહણની લડાઈનો રોમાંચક લડાઈનો વીડિયો સામે આવ્યો છે. આમ, તો આ પહેલા પણ સિંહ-સિંહણની લડાઈના વીડિયો આવ્યા છે, પરંતુ મેટિંગ (શારીરિક સંબંધ) માટે સિંહણની પાછળ પડેલા સિંહનો છે. ગીરના જંગલમાં સફારીના 10 નંબરના રૂટ પર સોમવારે સવારે પહોંચેલા મુસાફરોને આ અદભૂત લડાઈ જોવાની તક મળી હતી. સિંહ અને સિંહણ વચ્ચેની આ લડાઈ કંઈક ખાસ હતી. મેટિંગ માટે સિંહે સિંહણને મનાવી, પણ ન માની તો... ગીરના જંગલમાં સફારીના 10 નંબરના રૂટ પર સોમવારે સવારે એક સિંહ અને સિંહણ વચ્ચે લડાઈ થઈ હતી. વિવિધ કારણોસર સિંહ-સિંહણ વચ્ચે લડાઈ થતી જ હોય છે પણ અત્યારે જે લડાઈ થઈ હતી તે મેટિંગ માટેની હોય તેવું સ્પષ્ટ જણાતું હતું. સિંહણ રસ્તા પર બેઠી હતી ત્યારે સિંહ આજુબાજુમાં સૂંઘતો-સૂંઘતો તેની પાસે આવ્યો. સિંહ જ્યારે સિંહણની એકદમ નજીક પહોંચી ત્યારે સિંહણ ઉશ્કેરાઈને સિંહને પંજો મારી દીધો અને બંનેએ સામસામે ઘૂરકિયાં કર્યા. થોડીવાર બાદ સિંહણ ત્યાં જ બેસી ગઈ અને સિંહ તેની આજુબાજુમાં ફરતો રહ્યો અને સિંહણ જંગલ તરફ ચાલવા લાગી. બાદમાં સિંહ પણ તેની પાછળ ચાલવા લાગ્યો... શેર કર્યો વીડિયો આ વીડિયો ઝૂબીન આશરા નામના વ્યક્તિ દ્વારા લેવામાં આવ્યો છે. જેઓએ તેને મીડિયામાં શેર કર્યો હતો. ઉલ્લેખનીય છે કે, આમ તો સિંહ-સિંહણનો મેટિંગ પીરિયડ ચોમાસાનો હોય છે, પરંતુ કેટલાક કિસ્સામાં વિન્ટર સીઝનમાં પણ મેટિંગ થતા હોય છે.