Gujarati News

Gujarati News

News of Saturday, 9th November 2019

જામનગર જીલ્લા ભુકંપના એપી સેન્ટર લાલપુરમાં વધુ ત્રણ આંચકા

છેલ્લા અઠવાડીયામાં અનેક આંચકા ગઇકાલે પણ ૩ નો આંચકો

જામનગર શહેર જીલ્લામાં બદલાયેલા એપી સેન્ટર સાથે ભુકંપના વધુ ૩ આંચકા તા.૭ અને ૮ દરમ્યાન નોંધાયા છે.

છેલ્લા થોડા દિવસોથી જામનગર જીલ્લામાં શહેરથી દક્ષિણ-પુર્વમાં રપ થી ર૭ કી.મી. દુર એપી સેન્ટર દર્શાવતા અઢીથી ૩.૭ રીકટર સ્કેલના સંખ્યાબંધ આંચકાઓ નોંધાવા પામ્યા છે. છેલ્લે આવેલા ૩.૭ ના આંચકાનો અનુભવ જામનગર શહરેમાં ઉંચી ઇમારતોમાં રહેતા લોકો તેમજ જામનગર તાલુકાના નાની માટલી, ધુળશીયા જેવા કાલાવડ તરફના ૯ જેટલા ગામોએ અનુભવ્યો હતો. જે બાદ હવે છેલ્લા બે દિવસમાં આવેલા આંચકાનું એપી સેન્ટર કાલાવડ તરફથી બદલીને લાલપુર તરફનું નોંધાયું છે. લાલપુરથી પુર્વ ઉતર પુર્વમાં ર૬ થી ર૯ કી.મી.નું દુર એપી સેન્ટર ધરાવતા ૩ આંચકા સીસ્મોલોજી વિભાગના યંત્રોએ નોંધ્યા છે. જેમાં તા.૭ ની સાંજે ૪.રર વાગ્યે ર.રનો , ૪.રપએ ફરી ર.૩નો અને તા.૮ ની સવારે ૧૧.૪૯ વાગ્યે ૩ રીકટર સ્કેલનો આંચકો નોંધાયો હતો. આમ આ ચોમાસા પછી જીલ્લાના ભુતળમાં ગરબડ સર્જાતી જોવા મળે છે.

ઉલ્લેખનીય છે કે થોડા વર્ષ પહેલા ભારે વરસાદ વાળા ચોમાસા પછી લાલપુર તાલુકામાં સસોઇ ડેમ આસપાસના ૧૦ ગામોમાં ભુતળની ગરબડ બાદ ગેબી ધડાકા સાથે ભુકંપના આંચકાઓ નોંધાતા રાજયના સીસ્મોલોજી વિભાગ દ્વારા કાયમી ધોરણે લાલપુર પંથકમાં ચોક્કસ લોકેશન પર સીસ્મોગ્રાફ યંત્રો ગોઠવવા કાર્યવાહી કરી હતી.

(1:19 pm IST)
  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST