Gujarati News

Gujarati News

News of Saturday, 9th November 2019

ઉના ના નાથેજમાં બંધ મકાનના તાળા તોડી અર્ધા લાખની ચોરી

ઉના તા ૯  : તાલુકાના નાથેજ ગામે ૪ દિવસ બંધ રહેલ મકાનમાં તસ્કરો ત્રાટકીને રૂા પ૦ હજાર રોકડા તથા ચાંદીના છડા મળી રૂા ૫૧૨૦૦/-ની ચોરી કરી ગયેલ છે.

ઉના તાલુકાના ગ્રામ્ય પંથકમાં દેલવાડામાં રૂા ૭૫/- હજારની ચોરીનો ભેદ ઉકેલાયો નથી, ત્યાં ઉના તાલુકાના નાથેજ ગામે રહેતા સાર્દુલભાઇ લખમણભાઇ સોસા, જાતે આહીર, ઉ.વ.૩૫, ખેડુત ગત તા. ૪ થી ૭ સવારે ૭.૦૦ સુધીમાં તેમનું મકાન બંધ કરી દરવાજાને તાળા મારી પરિવાર સાથે બહારગામ ગયા હતા, ત્યારે પાછા આવતા કોઇ આરોપીઓ  મકાનના  રૂમના દરવાજાનું તાળુ તોડી મકાનમાં રહેલ કબાટનો લોક ખોલી તેમાં રહેલ સુટકેશમાં રાખેલ રોકડ રૂપીયા ૫૦,૦૦૦/-(પચાસ હજાર) તથા ચાંદીના છડા જોડી-૧ રૂા ૧૨૦૦/- મળી રૂ.૫૧૨૦૦/- મુદામાલ તથા આધારકાર્ડ તથા એટીએમ કાર્ડ પણ ચોરી કરી નાસી ગયાની ફરીયાદ ઉના પોલીસમા઼ નોંધાવેલ છે.

ઉનાના પોલીસ ઇન્સ્પેકટર એસ.એમ. બાબી તથા સ્ટાફ ઘટના સ્થળે પહોંચી સગડ મેળવવા તથા ફિંગર પ્રિન્ટ નિષ્ણાંત બોલાવી તપાસ શરૂ કરી છે.

(12:00 pm IST)
  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST

  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST