Gujarati News

Gujarati News

News of Saturday, 9th November 2019

ઝોંકુ આવતાં અમરેલીના રમેશભાઇ રાઠોડ ચાલુ ટ્રકમાંથી ફંગોળાતા મોત

વાંકાનેર કપાસ ભરીને જઇ રહેલા ટ્રકમાં મજૂર તરીકે જોડાયા હતાં: ચરખા-બાબરા વચ્ચે મોડી રાતે બનાવઃ રાજકોટમાં મોત

રાજકોટ તા. ૯: અમરેલીના જેસીંગપરા-૬માં રહેતાં રમેશભાઇ બાઘાભાઇ રાઠોડ (ઉ.૫૫) નામના કોળી પ્રોૈઢનું મોડી રાતે બાબરા અને ચરખા વચ્ચેના રોડ પર ચાલુ ટ્રકમાંથી ફંગોળાઇ જતાં ગંભીર ઇજા થતાં મોત નિપજ્યું છે.

જાણવા મળ્યા મુજબ રમેશભાઇ અમરેલીથી અશોકભાઇ પ્રજાપતિનો ટ્રક વાંકાનેર કપાસ ખાલી કરવા જતો હોઇ તેમાં પોતે મજૂર તરીકે સામેલ થયા હતાં. રાત્રીના બારેક વાગ્યે ટ્રક બાબરા-ચરખા વચ્ચેના રસ્તા પર પહોંચ્યો ત્યારે રમેશભાઇ ટ્રકની કેબીનમાં બેઠા હોઇ ઝોંકુ આવી જતાં ચાલુ ટ્રકમાંથી રોડ પર ફેંકાઇ જતાં ગંભીર ઇજા થઇ હતી.

તેમને બાબરા સારવાર અપાવી રાજકોટ સિવિલ હોસ્પિટલમાં ખસેડાયા હતાં. પરંતુ અહિ સવારે દમ તોડી દીધો હતો. મૃત્યુ પામનારને સંતાનમાં એક પુત્ર અને બે પુત્રી છે. હોસ્પિટલ ચોકીના સ્ટાફે બાબરા પોલીસને જાણ કરી હતી.

(11:50 am IST)
  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST

  • સીડબલ્યુસી બેઠકમાં સુપ્રિમ કોર્ટનો ચુકાદો સર્વસંમતિથી પાસ : સુપ્રિમના ચુકાદાને કોંગ્રેસે આવકાર્યો access_time 1:06 pm IST