Gujarati News

Gujarati News

News of Friday, 9th November 2018

વાંકાનેરના ચીત્રાખડામાં ખનીજ ચોરી મામલે વિજળીયા ગામના સરપંચે ફાયરિંગ કરતા ભયનો માહોલ

વાંકાનેર : વાંકાનેર તાલુકાના ચિત્રાખડા ગામે વિજળીયા ગામના સરપંચ દ્વારા ખનીજચોરી મામલે હવામાં ફાયરિંગ કરવામાં આવતા નાના એવા ગામમાં ભયનો માહોલ સર્જાયો હતો અને આ મામલે પોલીસ ફરિયાદ નોંધાઇ છે.

ખનીજ સંપદાથી ભરેલ ચિત્રાખડા ગામે વ્યાપક પ્રમાણમાં ખનીજ ચોરી થાય છે અને ખનીજ મોરબી-વાંકાનેર ખાતે સિરામીક ઉદ્યોગમાં ફાયર ક્લે તરીકે ઓળખાતી ખનીજનો ખૂબ મોટા પ્રમાણમાં ઉપયોગ થઈ રહ્યો છે, ચીત્રાખડા ગામની સીમમાં માટી કાઢવા માટે ખનીજ માફિયાઓ દિવસ-રાત ગેરકાયદે ખોદકામ કરી માટી મોરબી-વાંકાનેર સુધી વિના રોકટોક પહોંચાડી રહ્યા છે.

ચીત્રાખડા ગામના ફરિયાદી ભરતભાઈ છેલાભાઈ સાપરાએ વાંકાનેર તાલુકા પોલીસ મથકે ફરિયાદ નોંધાવી છે જેમાં આરોપી વીજળીયા ગામના સરપંચ રાજુભાઈ સામાભાઈ કુમખાણીયા દારૂ પીધેલ હાલતમાં ચીત્રાખડા ગામના ઝાંપે આવી ફરિયાદીને કહેલ કે તે મારી વાડી પાસે આવેલ ખરાબામાં ખાડા ખોદેલ હોય તે પુરી દેજે નહીં તો તને જાનથી મારી નાખીશ એમ કહી આરોપી સરપંચે પોતાની પાસે રહેલ ગેરકાયદેસર બંદુક માંથી હવામાં ફાયરિંગ કરી જાનથી મારી નાખવાની ધમકી આપેલ હતી.

મામલે પોલીસ ફરિયાદ નોંધાવતા વાંકાનેર તાલુકા પીએસઆઈ પરમાર તપાસ ચલાવી રહ્યા છે.

 

(6:27 pm IST)
  • મુંબઇના દહાણું નજીક માલગાડીમાં લાગી આગ:ગુજરાત-મુંબઇ વચ્ચેનો ટ્રેન વ્યવહાર ખોરવાયો:અમદાવાદથી રાત્રે ઉપડેલી તમામ ટ્રેનો મોડી:અનેક ટ્રેનો થઇ રદ્દ, કેટલીક ટ્રેનોના રૂટ ડાયવર્ટ કરાયા:મોડી રાત્રે લાગેલી આગ કાબૂમાં:દૂરંતો, લોકશક્તિ અને ગુજરાત મેલ મોડી પડી :સુરત નજીક અનેક ટ્રેનો રોકાઇ: વહેલી સવારે ટ્રેન વ્યવહાર પૂર્વવત :વેસ્ટર્ન રેલવેએ હેલ્પ ડેસ્ક શરૂ કર્યાં access_time 11:49 am IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST

  • આજે દેશભરમાં ભાઈબીજની ઉજવણી :બહેનના ઘરે જઈ ભાઈઓ ઊજવશે ભાઈબીજ :બહેનના ઘરે ભાઈના જમવા જવાનો રિવાજ :PM મોદીએ દેશવાસીઓને શુભકામના આપી :રાષ્ટ્રપતિએ પણ ભાઈબીજની શુભકામના આપી access_time 11:49 am IST