Gujarati News

Gujarati News

News of Friday, 9th November 2018

દિવાળીના દિવસે મોરબીમાં આગ લાગવાના ૧૫ બનાવ : ફાયર બ્રિગેડ સતત દોડતું રહ્યું

મોરબી : મોરબીમાં દિવાળીના દિવસે રાત્રીના ફટાકડા ફૂટવાને કારણે નાનીમોટી આગ લાગવાના કુલ ૧૫ બનાવો બન્યા હોવાનું ફાયર બ્રિગેડે જાહેર કર્યું છે. જેમાં દિવાળીની રાત્રે આંદરણા ગામ તેમજ આમરણ બેલા તથા શનાળા નજીક એક કારખાનામાં આગ અને સામા કાંઠે મંડપ સર્વિસ ગોડાઉનમાં તેમજ બાયપાસ નજીક ભંગારના ડેલામાં ભીષણ આગના બનાવ બન્યા હતા.

પ્રાપ્ત વિગતો મુજબ દિવાળીના દિવસે ફટાકડા ફૂટવાને કારણે મોરબીમાં જુદાજુદા ૧૫ સ્થળોએ આગ લાગવાના બનાવ બનતા ફાયર બ્રિગેડને સતત દોડધામ કરવી પડી હતી. ફાયર વિભાગે ટાંચા સાધનોની મદદથી ફાયરના જવાનોએ પોતાની કુશળતાથી તમામ જગ્યાએ આગ પર કાબુ મેળવી લીધો હતો. ફાયર વિભાગના જણાવ્યા મુજબ કુલ 15 જેટલી જગ્યાએ દિવાળીની રાત્રીના આગના બનાવો અંગે ફોન આવ્યા હતા. જેમાં આંદરણા ગામ તેમજ આમરણ બેલા તથા શનાળા નજીક એક કારખાનામાં આગ અને સામા કાંઠે મંડપ સર્વિસ ગોડાઉનમાં તેમજ બાયપાસ નજીક ભંગારના ડેલામાં ભીષણ આગના બનાવ બન્યા હતા. જયારે બાકીની જગ્યાએ સામાન્ય આગ લાગી હતી.

બીજી તરફ ગઈકાલે વહેલી સવારે મુનનગરમાં રાજપ્લાસ્ટિક નામના કારખાનામાં ફટાકડાના કારણે આગ લાગતા એક ટાટા ૪૦૭ સળગી ગયું હોવાનું ફાયર વિભાગે જણાવ્યું હતું.

(6:26 pm IST)
  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST

  • ભરૂચ શહેર અને જિલ્લાના અગ્રગણ્ય નાગરિકોએ જિલ્લાવાસીઓને દિવાળી પર્વની શુભેચ્છા પાઠવી access_time 6:45 pm IST

  • પાસપોર્ટમાં પિતાના નામ મુદ્દે HCનો નિર્ણય: પાસપોર્ટમાં લખી શકાશે સાવકા પિતાનું નામ: પંજાબ-હરિયાણા HCની ડબલ બેન્ચનો નિર્ણય: સિંગલ બેન્ચના નિર્ણયને પલટ્યો હાઈકોર્ટે access_time 10:13 pm IST