Gujarati News

મોરબી જીલ્લામાં કોરોના વિસ્ફોટ જોવા મળે છે અને પ્રતિદિન કોરોનાના કેસો વધી રહ્યા છે જેમાં ગુરુવારે ચાર કેસ બપોર સુધીમાં નોંધાયા બાદ વધુ ચાર સાથે આજના કુલ આઠ કેસ નોંધાયા છે અને જીલ્લામાં કુલ આંક ૭૮ પર પહોંચી જવા પામ્યો છે

   મોરબી જીલ્લામાં આજે ચાર નવા કેસ નોંધાયા છે જેમાં રાજકોટ સિવિલ હોસ્પિટલ ખાતે દાખલ રઘુવીર સોસાયટી રવાપર રોડ મોરબીના રહેવાસી ૫૫ વર્ષના પુરુષ અને નાગર પ્લોટ મંગલ ભુવનના ૬૫ વર્ષના વૃદ્ધનો રીપોર્ટ પોઝીટીવ આવ્યો છે તે ઉપરાંત મોરબીના કાયાજી પ્લોટ ૨ ના રહેવાસી ૪૪ વર્ષના પુરુષ અને રવાપર રોડ સિદ્ધી વિનાયક પાર્કના રહેવાસી ૬૫ વર્ષના પુરુષનો રીપોર્ટ પોઝીટીવ આવ્યો છે અને મોરબી જીલ્લામાં ગુરુવારે કુલ આઠ કેસ સાથે જીલ્લામાં કોરોનાના કુલ કેસનો આંક ૭૮ પહોંચી ગયો છે