Gujarati News

રાજકોટ તા. ૯: વાંકાનેરમાં આરોગ્યનગર-૬માં રહેતાં લીલીબેન દિનેશભાઇ વરૂ (ઉ.૩૨) નામના ભરવાડ મહિલાને તેની બાજુમાં જ રહેતાં તેની માસીની દિકરી મનિષાબેનના પતિ લાલા કરણાભાઇ મુંધવા સહિતે ઢીકા-પાટુનો માર મારતાં સારવાર માટે રાજકોટ સિવિલ હોસ્પિટલમાં ખસેડાયા છે.

લીલીબેનના કહેવા મુજબ માસીની દિકરી મનિષા અને તેના પતિ લાલાને ઝઘડો થયો હોઇ લાલાએ 'તમે તમારી બહેનની ચઢામણી કરો છો એટલે ડખ્ખા થાય છે' તેમ કહી હુમલો કર્યો હતો. હોસ્પિટલ ચોકીના એએઅસાઇ જગુભા ઝાલા અને અક્ષય ડાંગરે વાંકાનેર પોલીસને જાણ કરી હતી.