Gujarati News

ભાવનગરમાં રથયાત્રા પૂર્વે બે જૂથ વચ્ચે હિંસક અથડામણ થઇ છે શહેરમાં આશરે એક સપ્તાહ પહેલા બનેલી બોલાચાલીની ઘટનાએ રવિવારે મોડી રાત્રે ફરીથી અથડામણનું સ્વરૂપ ધારણ કર્યું હતું.

 રથયાત્રા પૂર્વે બે કોમ વચ્ચે સર્જાયેલી અથડામણથી સ્થિતિ તંગ બની હતી. મળતી માહિતી પ્રમાણે શહેરના પ્રેસ રોડ પર રવિવારે મોડીરાત્રે બે કોમના ટોળા ઘાતક હથિયારો સાથે સામ-સામે આવી ગયા હતા. અને ભારે પથ્થરમારો ચલાવ્યો હતો.

   આ બનાવની જાણ થતા જ ડીવાયએસપી સહિતનો પોલીસ કાફલો ઘટનાસ્થળે પહોંચી સ્થિતિ કાબૂમાં લીધી હતી. આ જૂથ અથડામણમાં કોઈ જાનહાનિ થઈ નથી. બે કોમના લોકો વચ્ચે ગત રવિવારે પણ બોલાચાલી થઈ હતી.