Gujarati News

Gujarati News

News of Saturday, 9th June 2018

રૂ ૪.૫૩ લાખના વિદેશી દારૂ પ્રકરણમાં માણાવદર પાલિકાના પ્રમુખ ની શોધખોળ

પોલીસે શ્રીજી જીનમીલમાંથી દારૂ કબજે કરેલ

માણાવદર તા ૯ : રૂ ૪.૫૩ લાખના વિદેશી દારૂ પ્રકરણમાં પોલીસે માણાવદર પાલિકાના પ્રમુખ ની શોધખોળ હાથ ધરી છે.

ગળકાઇે માણાવદરના પી.એસ.આઇ. એચ.આર. હેરભાએ એસ.પી. નિલેશ જાજડીયાની સુચનાથી માણાવદર પાલિકાના પ્રમુખ નિર્મળસિંહ અનુભા ચુડાસમાની બંધ શ્રીજી જીન મીલમાં દરોડો પાડીને રૂ.૪.૫૩,૨૦૦/- ની કિંમતના વિદેશી દારૂની ૧૧૦૫૩ બોટલનો જથ્થો કબજે કર્યો હતો.

આ કાર્યવાહી દરમ્યાન નિમ/ઇસિંહ ચુડાસમા નાસી ગયા હતા જયારે દિપુ દેવા મોરી,સોહિલ બાપુડી, ભાવેશ ઉર્ફે ચંદુ ખંઢેરા નામના શખ્સો હાજર મળી આવ્યા હતા.

માણાવદરના નગરપતિનો દારૂ ઝડપાતા ચકચાર વ્યાપી ગઇ છે. પોલીસે તમામ શખ્સોને ઝડપી લેવા ચક્રો ગતિમાન કર્યા છે. (૩.૬)

(4:34 pm IST)
  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST